Aelod-wladwriaethau NATO

Aelod-wladwriaethau NATO

Aelodau NATO (mewn glas).
Enghraifft o'r canlynol	collective
Math	member state
Gwefan	https://www.nato.int/cps/en/natohq/nato_countries.htm
Ffeiliau perthnasol ar Gomin Wicimedia

Llinell amser o ymaelodaethau gwledydd NATO. Dynodir gwledydd oedd yn aelodau NATO yn barod ar y pryd gan las tywyll. Dynodir aelodau newydd gan las golau.

Cynghrair milwrol sydd yn cynnwys 29 o aelod-wladwriaethau o Ogledd America ac Ewrop yw Sefydliad Cytundeb Gogledd yr Iwerydd (NATO). Y ddwy aelod o Ogledd America yw Canada a'r Unol Daleithiau. Mae gan bob un o'r aelodau luoedd milwrol, er nad oes gan Wlad yr Iâ fyddin arferol (ond mae ganddi gwylwyr y glannau milwrol ac uned fechan o filwyr ar gyfer ymgyrchoedd i gadw'r heddwch). Mae gan dri o aelodau NATO arfau niwclear: Ffrainc, y Deyrnas Unedig, a'r Unol Daleithiau.

Aelod-wladwriaethau yn ôl dyddiad eu hymaelodaeth

Dyddiad	Gwlad	Ehangiad	Nodiadau
4 Ebrill 1949	Gwlad Belg	Sefydlwyr
	Canada
	Denmarc		Nid yw aelodaeth Denmarc o NATO yn cynnwys Føroyar na'r Ynys Las, yn wahanol i'w haelodaeth yn yr Undeb Ewropeaidd.
	Ffrainc		Gadawodd Ffrainc reolaeth filwrol gyfunol NATO ym 1966 i ddilyn system amddiffyn annibynnol ond dychwelodd at aelodaeth lawn ar 4 Ebrill 2009.
	Gwlad yr Iâ		Ymunodd Gwlad yr Iâ, yr unig aelod sydd heb fyddin sefydlog, ar yr amod ni fydd rhaid iddi sefydlu un. Er hyn, roedd yn aelod pwysig oherwydd ei leoliad daearyddol strategol yng Nghefnfor yr Iwerydd. Mae ganddi wylwyr y glannau ac yn ddiweddar llu cadw'r heddwch gwirfoddol, a hyfforddir yn Norwy ar gyfer NATO.
	Yr Eidal
	Lwcsembwrg
	Yr Iseldiroedd
	Norwy
	Portiwgal
	Y Deyrnas Unedig
	Unol Daleithiau America
18 Chwefror 1952	Groeg	Cyntaf	Tynodd Gwlad Groeg ei luoedd yn ôl o strwythur rheolaeth filwrol NATO rhwng 1974 a 1980 o ganlyniad i densiynau rhyngddi a Thwrci yn sgîl goresgyniad Cyprus gan Dwrci ym 1974.
	Twrci
9 Mai 1955	Yr Almaen	Ail	Ymaelododd fel Gorllewin yr Almaen; adunodd â Saarland ym 1957 a thiriogaethau Berlin a'r cyn-Weriniaeth Ddemocrataidd yr Almaen (DDR) ar 3 Hydref 1990. Roedd y DDR yn aelod o Gytundeb Warsaw, 1956-1990.
30 Mai 1982	Sbaen	Trydydd
12 Mawrth 1999	Tsiecia	Pedwerydd	Aelod Cytundeb Warsaw, 1955-1991, fel rhan o Tsiecoslofacia.
	Hwngari		Aelod Cytundeb Warsaw, 1955-1991.
	Gwlad Pwyl		Aelod Cytundeb Warsaw, 1955-1991.
29 Mawrth 2004	Bwlgaria	Pumed	Aelod Cytundeb Warsaw, 1955-1991.
	Estonia		Aelod Cytundeb Warsaw, 1955-1991, a rhan o'r Undeb Sofietaidd.
	Latfia		Aelod Cytundeb Warsaw, 1955-1991, a rhan o'r Undeb Sofietaidd.
	Lithwania		Aelod Cytundeb Warsaw, 1955-1991, a rhan o'r Undeb Sofietaidd.
	Rwmania		Aelod Cytundeb Warsaw, 1955-1991.
	Slofacia		Aelod Cytundeb Warsaw, 1955-1991, fel rhan o Tsiecoslofacia.
	Slofenia		Cyn-weriniaeth Gweriniaeth Ffederal Sosialaidd Iwgoslafia, 1945-1991 (Amhleidiol)
1 Ebrill 2009	Albania	Chweched	Aelod Cytundeb Warsaw, 1955-1968.
	Croatia		Cyn-weriniaeth Gweriniaeth Ffederal Sosialaidd Iwgoslafia, 1945-1991 (Amhleidiol)
5 Mehefin 2017	Montenegro	Seithfed	Cyn-weriniaeth Iwgoslafia
27 gorymdaith 2020	Gogledd Macedonia	Seithfed	Cyn-weriniaeth Iwgoslafia

Gweler hefyd

• Ehangu NATO