Sentro Rizal
| Enghraifft o'r canlynol | asiantaeth lywodraethol, sefydliad diwylliannol  |
|---|---|
| Dechrau/Sefydlu | 2009 |
| Pencadlys | National Commission for Culture and the Arts |
.jpg)
Sefydliad a noddir gan lywodraeth Y Philipinau yw'r Sentro Rizal a'i brif amcan yw hyrwyddo celf, diwylliant ac iaith Ffilipineg (Tagalog safonol yr Ynysoedd) yn fyd-eang.[1] Wedi'i sefydlu yn rhinwedd Deddf Treftadaeth Ddiwylliannol Genedlaethol 2009, mae ei bencadlys wedi'i leoli yn swyddfa'r Comisiwn Cenedlaethol dros Ddiwylliant a'r Celfyddydau (NCCA) yn Intramuros, Manila. Mae gan Sentro Rizal ganolfannau Philippine mewn gwahanol wledydd sy'n cychwyn ac yn trefnu rhaglenni a gweithgareddau hyfforddi diwylliannol ar gyfer Ffilipiniaid tramor.
Enwyd Sentro Rizal er gwrogaeth i José Rizal, arwr, awdur a polymath cenedlaethol Ynysoedd y Philipinau. Cydnabyddir bod ei weithiau Noli Me Tángere ac El Filibusterismo wedi tanio ymchwil y wlad am annibyniaeth yn 1898. Roedd yn hyrwyddo cariad at deulu a gwlad, heddwch, rhyddid, urddas dynol, gwybodaeth, defnydd o iaith leol, dewrder, rôl merched mewn adeiladu cenedl, undod, tosturi, cyfranogiad cynhyrchiol yr ieuenctid, ymhlith eraill.
Logo[golygu | golygu cod]
Mae logo swyddogol y Sentro Rizal yn cynnwys dwy elfen, y balangay a'r baybayin sydd ill dau yn arwyddocaol i dreftadaeth Ffilipinaidd. Mae'r llythrennau "S" ac "R" wedi'u drosi yn y sgript sillafog Ffilipinaidd hynafol a elwir yn baybayin ac wedi'u steilio i ffurfio balangay, cwch planc ag ymyl Philipinaidd hynafol, sy'n adlewyrchu treftadaeth forwrol Ynysoedd y Philipinau ac yn darlunio cymeriad ymfudwyr Ffilipinaidd. Mae'r balangay hefyd yn cynrychioli ymchwil unigolion wrth archwilio gwir hanfod hunaniaeth Ffilipinaidd trwy ddiwylliant a chelfyddydau.
Mae'r Sentro Rizal yn gweithredu fel y balangay sy'n rhoi'r modd i Ffilipiniaid tramor a'u plant gysylltu â'u gwreiddiau - gan feithrin ymdeimlad cryf o genedligrwydd a balchder yn eu plith mewn bod yn Ffilipiniaid.
Patrymwyd lliw logo Sentro Rizal o logo'r NCCA - glas ac aur.
Cultural centers[golygu | golygu cod]
Ym Medi 2020, roedd 35 canolfan Sentros Rizal yn y lleoliadau canlynol:[2]
| Gwlad | Dinas | Gwlad | Dinas | ||
| A | Yr Ariannin | Buenos Aires | N | New Zealand | Wellington |
| Awstralia | Sydney | O | Oman | Muscat | |
| B | Bahrain | Manama | Q | Qatar | Doha |
| Brunei | Bandar Seri Begawan | S | Arabia Sawdi | Jeddah | |
| C | Cambodia | Phnom Penh | Singapôr | Singapore | |
| Canada | Ottawa | De Corea | Seoul | ||
| Toronto | Sbaen | Madrid | |||
| China | Beijing | Swistir | Berne | ||
| Hong Kong | T | Thailand | Bangkok | ||
| Xiamen | Twrci | Ankara | |||
| E | Yr Aifft | Cairo | U | Emiradau Unedig Arabia | Abu Dhabi |
| G | Yr Almaen | Berlin | Y Deyrnas Unedig | London | |
| I | Indonesia | Jakarta | Unol Daleithiau America | Hagåtña | |
| Yr Eidal | Milan | Los Angeles | |||
| Rhufain | San Francisco | ||||
| J | Siapan | Tokyo | Washington, D.C. | ||
| L | Laos | Vientiane | |||
| M | Myanmar | Yangon | |||
Gweithgareddau a rhaglenni[golygu | golygu cod]
Yn 2015, cynhaliwyd y dosbarth peilot iaith Ffilipineg cyntaf yn Phnom Penh, prifddinas Cambodia. Cwblhaodd pedwar ar hugain o fyfyrwyr y dosbarth iaith lefel dechreuwr cyntaf, a alwyd yn "Masayang Matuto ng Filipino".
Mae'r Comisiwn ar Filipinos Tramor wedi gwneud defnydd o gyfryngau digidol i ledaenu Ffilipinau ar gyfer Ffilipiniaid tramor, a elwir yn "Virtual Sentro Rizal". Mae'r casgliad Ffilipinaidd hwn yn cynnwys 250 gigabeit o ddata gan gynnwys 72 awr o fideo o ddeunyddiau diwylliannol Ffilipinaidd sy'n cwmpasu gwahanol genres ar draws rhanbarthau.[3]
Sefydliadau tebyg[golygu | golygu cod]
Mae'r Sentro Rizal yn debyg i sawl sefydliad gan genedl wladwriaethau eraill er mwyn hyrwyddo diwylliant, iaith a buddion eu gwledydd. Y Basgwyr (gydag Etxepare Euskal Institutua ) a'r Catalaniaid (gydag Institut Ramon Llull) yw'r unig ddau genedl ddi-wladwriaeth sydd â sefydliad mor soffistigedig a strategol. Hyd yma, nid yw Cymru wedi gweld yn dda i sefydlu asiantaeth debyg.
Cyfeiriadau[golygu | golygu cod]
- ↑ Villalon, Augusto (26 April 2010). "New heritage law seeks to establish Sentro Rizal across the globe". Philippine Daily Inquirer.
- ↑ "Sentro Rizal - Branches". National Commission for Culture and the Arts. Archifwyd o'r gwreiddiol ar 2021-07-24. Cyrchwyd 7 Aug 2019.
- ↑ Medina, Andrei (26 February 2013). "'Sentro Rizal' digital collection of Filipiniana to help Pinoys appreciate heritage". GMA News and Public Affairs.
Dolenni allanol[golygu | golygu cod]
- Gwefan swyddogol Sentro Rizal Archifwyd 2022-08-06 yn y Peiriant Wayback.
- Fideo gyflwyno i Sentro Rizal
- Sianel Youtube Sentro Rizal
