Tallinn

Golwg ar hen ddinas Tallinn o'r harbwr.

Prifddinas a dinas fwyaf Estonia yw Tallinn. Mae 410,200 o bobl yn byw yno (Gorffennaf 2010). Fe'i lleolir ar arfordir gogleddol Estonia, ar lan Gwlff y Ffindir, sy'n fraich o'r Môr Baltig, tua 80 km (50 milltir) i'r de o Helsinki (Y Ffindir).

Dim ond 54.9% o'r boblogaeth sy'n Estoniaid ethnig. Mae'r gweddill yn cynnwys y 36.5% o'r boblogaeth sy'n Rwsiaid ethnig gyda tua eu hanner heb ddod yn ddinasyddion Estoniaidd eto.

Mae Tallinn yn borthladd pwysig. Ceir gwasanaethau fferi sy'n cysylltu'r ddinas a Helsinki ac Ynysoedd Åland yn y Ffindir, Stockholm yn Sweden a Rostock yn yr Almaen. Lleolir prif faes awyr Estonia ger Tallinn a daw nifer o ymwelydd yno o wledydd eraill Ewrop a'r tu hwnt.

Ers 1997 mae Hen Ddinas Tallinn, sy'n cynnwys Toompea, wedi ei rhestru gan UNESCO fel Safle Treftadaeth y Byd.