Teilo

Sant Teilo

Croes Geltaidd o Landeilo Fawr.

Roedd Sant Teilo (neu Eliau; Cernyweg: Eliud), (fl. 6g) yn un o brif seintiau yr eglwys gynnar yng Nghymru.

Hanes a thraddodiad

Cerflun o Teilo yn Eglwys Saint-Théleau yn Plogoneg.

Cysylltir ef a de-orllewin Cymru yn bennaf, a dywedir ei fod yn fab i Ensig ap Hydwn ap Ceredig o Geredigion. Yn ôl buchedd lawer diweddarach, ganed ef ger Penalun yn ne Sir Benfro a bu'n ddisgybl i sant Dyfrig cyn astudio dan Peulin yn Llanddeusant, Sir Gaerfyrddin. Roedd yn gyfoeswr i Dewi ac mae traddodiad iddo fod ar bererindod i Jerusalem gydag ef. Dywedir iddo fod yn Esgob Llandeilo ac Esgob Tyddewi. Dywedir iddo ffoi i Lydaw rhag y Fad Felen yn 547, ac ymweld a sant Samson yn Dol. Mae ei ben yn Eglwys Gadeiriol Llandaf, wedi iddo gael ei gadw am ganrifoedd ar fferm ym Maenclochog yn Sir Benfro.

Mae cyfeiriadau yn Llyfr Sant Chad, a elwid yn wreiddiol yn "Llyfr Teilo" yn ôl pob tebyg, yn profi ei fod yn cael ei anrhydeddu yn ne-orllewin Cymru yn yr 8fed a'r 9g. Mae Buchedd Teilo yn Llyfr Llandaf yn dyddio o'r 12g.

Prif sefydliad Teilo oedd y clas yn Llandeilo Fawr yn Sir Gaerfyrddin. Dywedir mai ef a sefydlodd y clas gwreiddiol ar safle Eglwys Gadeiriol Llandaf, ac mae nifer sylweddol o eglwysi eraill yn ne Cymru wedi eu cysegru iddo. Yn ôl traddodiad, bu'n pregethu yn Llydaw hefyd, ac mae nifer o enwau lleoledd yno yn cyfeirio ato. Ei ddydd gŵyl yw 9 Chwefror.

Pentrefi ac Eglwysi'n dwyn ei enw

Ceir dros 25 o bentrefi ac eglwysi (neu 'glasau' cyn hynny), mewn tair gwlad, sy'n dwyn ei enw gan gynnwys:

Cymru

• 

  Llandeilo, Sir Gaerfyrddin

• 

  Llandeloy, Breudeth, Sir Benfro

• 

  Llandeilo Bertholau, Sir Fynwy

• 

  Llandeilo Graban, Castell Paun, Powys

• 

  Eglwys Sant Teilo, yn wreiddiol ar orlifdir Afon Llwchwr ger Pontarddulais

• 

  Llandeilo Abercywyn, Sir Gaerfyrddin

Llydaw

Ceir 5 plwyf yn Llydaw a enwyd ar ôl Teilo.

• 

  Eglwys 'Sant Telo' yn Landelo hefyd yn Kanton Brieg

• 

  Eglwys Saint-Théleau yn Leuc'han, Kanton Brieg

• 

  Mousterdelav (Ffrangeg: Montertelot)

• 

  Plwy Pledeliav

• 

  Eglwys Saint-Théleau (Landaol), Kanton Pleuwigner, Mor-Bihan

• Landelau
• Landêliau
• Saint-Thélo

Llyfryddiaeth

• G. H. Doble. Saint Teilo (Welsh Saints Series,No. 3) (Llanbedr Pont Steffan, 1942)

Rhestr Wicidata:

Diweddarwch y rhestr nawr | WQS | Chwiliwch am ddelweddau

#	Eglwys neu Gymuned	Delwedd	Cyfesurynnau	Lleoliad	Wicidata
1	Eglwys Saint-Théleau		48.0931°N 4.17424°W / 48.0931; -4.17424	Plogonnec	Q2957014
2	Eglwys Sant Teilo, Llandeilo Bertholau		51.8414°N 3.00074°W / 51.8414; -3.00074	Y Fenni	Q5117723
3	Eglwys Sant Teilo, Sain Ffagan		51.4879°N 3.28026°W / 51.4879; -3.28026	Amgueddfa Werin Cymru Cymru	Q13128105
4	Eglwys y Seintiau Dyfan a Teilo		51.4172°N 3.27412°W / 51.4172; -3.27412	Bro Morgannwg	Q17744123
5	Landaol		47.7483°N 3.0761°W / 47.7483; -3.0761	canton Pleuwigner Mor-Bihan Q15630833	Q71048
6	Landelo		48.2272°N 3.7294°W / 48.2272; -3.7294	canton Kastell-Nevez-ar-Faou Penn-ar-Bed	Q475612
7	Llandeilo		51.8841°N 3.99918°W / 51.8841; -3.99918	Sir Gaerfyrddin	Q2204179
8	Llandeilo Abercywyn			Sir Gaerfyrddin	Q17486733
9	Llandeilo Bertholau		51.8414°N 3.00068°W / 51.8414; -3.00068	Sir Fynwy	Q6661799
10	Llandeilo Graban			Powys	Q20593492
11	Llandeilo Llwydiarth		51.91°N 4.761°W / 51.91; -4.761	Sir Benfro	Q6661188
12	Llandeloy		51.897087°N 5.111898°W / 51.897087; -5.111898	Sir Benfro	Q15242553
13	Pledeliav		48.449166666667°N 2.3877777777778°W / 48.449166666667; -2.3877777777778	Q1725549 Aodoù-an-Arvor	Q1013479

Diwedd y rhestr a gynhyrchwyd yn otomatig o Wicidata.

Gweler hefyd

• Buchedd Teilo
• Eglwys Sant Teilo
• Llyfr Teilo

Mae gan Gomin Wikimedia
gyfryngau sy'n berthnasol i:

Eglwysi Teilo Sant