Barddoniaeth Lloegr yn y Rhyfel Byd Cyntaf

Barddoniaeth Lloegr yn y Rhyfel Byd Cyntaf

Y gerdd "Anthem for Doomed Youth" yn llaw'r bardd, Wilfred Owen.

Llên Lloegr yn yr 20fed ganrif
Y nofel Hardy Conrad Kipling Wells Forster Woolf Lawrence Waugh Orwell Huxley Greene K. Amis McEwan
Barddoniaeth Beirdd Sioraidd Y Rhyfel Byd Cyntaf Moderniaeth Grŵp Auden Yr Ail Ryfel Byd Y Mudiad Beirdd Lerpwl
Y ddrama Drama barlwr Drama dun lludw Pinter Stoppard
Rhyddiaith genre Christie Sayers Tolkien Fleming Wyndham Clarke O'Brian Le Carré P. D. James Ballard
Mudiadau a grwpiau Grŵp Bloomsbury Yr Inklings Dynion ifanc dig
Llenyddiaeth plant Grahame Potter Milne Blyton Rowling
← 19g Llên Lloegr 21g →

Crewyd etifeddiaeth eang o farddoniaeth ingol, drawiadol ym marddoniaeth Saesneg Lloegr gan brofiad milwyr yn y Rhyfel Byd Cyntaf (1914–18). Bu ambell fardd delfrydgar yn canu clodydd gwladgarol, er enghraifft Rupert Brooke yn ei linellau "If I should die, think only this of me: / That there's some corner of a foreign field / That is for ever England", ond ar y cyfan mynegir chwerwder a realaeth erchyll gan feirdd y ffosydd, yn eu plith Wilfred Owen, Siegfried Sassoon, ac Isaac Rosenberg.

Ar ddechrau'r rhyfel, ymunodd Rupert Brooke â'r Llynges Frenhinol Wirfoddol Wrth Gefn (RNVR) ac aeth yn yr alldaith i Antwerpen yn niwedd Medi 1914. Bu Brooke yn enw amlwg ymhlith cylchoedd llenyddol Lloegr ers ei ddyddiau ym Mhrifysgol Caergrawnt, pryd oedd yn gyfeillgar â sawl un o Grŵp Bloomsbury. Cyn y rhyfel, fe'i cydnabuwyd yn un o'r beirdd Sioraidd a beirdd Dymock. Ymddangosodd pum soned ganddo, y "War Sonnets", yn y gyfrol New Numbers yn nechrau 1915, ac ailgyhoeddwyd dwy ohonynt – "The Dead" a "The Soldier" – yn The Times Literary Supplement ar 11 Mawrth. Cawsant eu cymeradwyo gan y cyhoedd a chydnabuwyd Brooke fel "bardd rhyfel y genedl". Bu farw Brooke ar long yn y Môr Aegeaidd yn Ebrill 1915 o sepsis wedi iddo gael ei frathu gan fosgito ar ei ffordd i'r Dardanelles. Ym Mai, cyhoeddwyd casgliad o'i farddoniaeth ryfel, 1914 and Other Poems, a ail-argraffwyd 11 o weithiau erbyn diwedd 1915.

Darllen pellach

Casgliadau a blodeugerddi

• Vivien Newman (gol.), Tumult and Tears: An Anthology of Women’s First World War Poetry (Barnsley, De Swydd Efrog: Pen & Sword, 2016).

Astudiaethau a beirniadaeth

• Max Egremont, Some Desperate Glory: The First World War the Poets Knew (Llundain: Picador, 2014).
• John Lewis-Stempel, Where Poppies Blow: The British Soldier, Nature, The Great War (Llundain: Weidenfeld & Nicolson, 2016).
• Susanne Christine Puissant, Irony and the Poetry of the First World War (Basingstoke, Hampshire: Palgrave Macmillan, 2009).