Baner Barbados

Oddi ar Wicipedia
Jump to navigation Jump to search
Flag of Barbados.svg
Data cyffredinol
Enghraifft o'r canlynolbaner cenedlaethol Edit this on Wikidata
Lliw/iaudulas, aur, du Edit this on Wikidata
Dechrau/Sefydlu30 Tachwedd 1966 Edit this on Wikidata
Genrevertical triband Edit this on Wikidata
Tudalen Comin Ffeiliau perthnasol ar Gomin Wicimedia
Flag of Barbados

Mabwysiadwyd baner genedlaethol Barbados ar 30 Tachwedd 1966, sef, diwrnod annibyniaeth gyntaf y genedl yma sydd yn y Caribî. Codwyd y faner gan y Lefftenant Hartley Dottin o Gatrawd Barbados. Cymuseredd y faner yw 3:2.[1]

Dyluniad[golygu | golygu cod y dudalen]

Mae'r faner yn faner triband fertical gyda dau fand o liw dulas ar y naill ochr a band lliw aur yn y canol. Gosodir tridant (picell triphen) ddu, a elwir fel rheol yn 'broken trident', yng nghanol y band aur. Mae'r defnydd o liw a gwrthgyferbyniad lliw yn enghraifft dda o faner sy'n dilyn Rheol Tintur a luniwyd gan Humphrey Lhuyd yn y 16g.

Symboliaeth[golygu | golygu cod y dudalen]

Baner Barbados ar ffurf map o'r ynys

Mae'r bandiau glas golau yn sefyll am y môr a'r awyr las a'r band aur yn sefyll am y tywod aur. Mae arwyddocâd hefyd i'r ffaith nad oes gwialenffon i'r tridant hefyd. Mae'n deillio o fathodyn trefedigaethol Barbados lle roedd tridant y duw Groegaidd Poseidon yn cael ei ddal gan ddelwedd Britannia. Mae'r rhan waelod sydd ar goll yn cyfleu toriad symbolaidd y genedl oddi ar fod yn drefedigaeth i Brydain.[2] Mae tri phig y tridant yn cynrychioli tair egwyddor democratiaeth, sef:

Llywodraeth y bobl
Llywodraeth i'r bobl
Llywodraeth gan y bobl

Cynllunwyd y faner gan Grantley W. Prescod a dewiswyd hi mewn cystadleuaeth agored a drefnwyd gan Lywodraeth Barbados. Derbyniwyd dros fil o ymgeisyddion yn y gystadleuaeth.[3]

Gwybodaeth Dechnegol[golygu | golygu cod y dudalen]

Côd liwiau swyddogol cydnabyddiedig y 'British Colour Council': Dulas — BCC 148; Aur — BS O/002.[4]

Baneri Hanesyddol[golygu | golygu cod y dudalen]

Baner Cyfnod Defnydd Disgrifiad
Flag of the West Indies Federation (1958–1962).svg 1958–62 Baner Ffederasiwn India'r Gorllewin (West Indies Federation) Gelwir fel y "Sun and Seas Flag"[5]—Llain las gyda pedair bar donnog llorweddol wen (y ddau pâr yn gyfochrog i'w gilydd ond nid i'r pâr gyferbyn) gyda haul oern yn y canol.
Flag of Barbados (1870–1966).svg 1870–1966 Baner Trefediaeth Brydeinig Barbados Baner 'Blue Ensign' Brydeinig gydag arwyddlun Barbados

Dolenni[golygu | golygu cod y dudalen]

Cyfeiriadau[golygu | golygu cod y dudalen]

  1. "copi archif". Archifwyd o'r gwreiddiol ar 2018-04-21. Cyrchwyd 2019-01-22.
  2. Flag of Barbados Archifwyd 2017-01-02 yn y Peiriant Wayback., Ministry of Foreign Affairs (Barbados)
  3. "Government of Barbados National Flag". Barbados.gov.bb. 12 November 2003. Archifwyd o'r gwreiddiol ar 28 April 2010. Cyrchwyd 4 July 2010. Unknown parameter |deadurl= ignored (help)
  4. CHAPTER 300A NATIONAL EMBLEMS AND NATIONAL ANTHEM OF BARBADOS (REGULATION), World Intellectual Property Office (WIPO)
  5. Princess Opens New Parliament (1958), YouTube