Libia

ليبيا‎
Lībyā
Libya

Baner Sêl
Arwyddair: الحرية والعدالة والديمقراطية Rhyddid, Cyfiawnder, Democratiaeth!
Anthem: Libya, Libya, Libya
Lleoliad Libya
Prifddinas	Tripoli
Dinas fwyaf	Tripoli
Iaith / Ieithoedd swyddogol	Arabeg
Llywodraeth	Llywodraeth dros dro
- Cadeirydd y Cyngor Trawsnewidiol Cenedlaethol	Mustafa Abdul Jalil
- Prif Weinidog	Abdurrahim El-Keib
Annibyniaeth - oddiwrth yr Eidal - oddi Ffrainc/DU	10 Chwefror 1947 24 Rhagfyr 1951
Arwynebedd  - Cyfanswm  - Dŵr (%)	1,759,540 km² (17fed) -
Poblogaeth  - Amcangyfrif 2006  - Cyfrifiad 2006  - Dwysedd	5,670,688 (105fed) 5,670,688 3.2/km² (218fed)
CMC (PGP)  - Cyfanswm  - Y pen	Amcangyfrif 2006 $74.97 biliwn (67fed) $12,700 (58fed)
Indecs Datblygiad Dynol (2005)	0.798 (64fed) – canolig
Arian cyfred	Dinar (LYD)
Cylchfa amser  - Haf	EET (UTC+2) (UTC+2)
Côd ISO y wlad	.ly
Côd ffôn	+218

Gwlad yng ngogledd Affrica, sy'n ffinio â'r Môr Canoldir, yw Libya (hefyd Libia). Mae wedi ei lleoli rhwng yr Aifft i'r dwyrain, Swdan i'r de-ddwyrain, Chad a Niger i'r de ac Algeria a Tunisia i'r gorllewin. Ei phrifddinas yw Tripoli. Tair rhanbarth draddodiadol y wlad yw Tripolitania, y Fezzan a Cyrenaica. Mae'r wlad yn un o'r 10 gwlad sy'n cynhyrchu mwyaf o olew drwy'r byd.

Daearyddiaeth

Prif: Daearyddiaeth Libya

Mae rhan fawr o Libya'n gorwedd yn anialwch y Sahara, gyda 1,800,000 kilometr sgwar (700,000 milltir sgwar). Hi yw'r bedwaredd wlad fwyaf yn Affrica, a'r 17ed yn y byd. Mae 1.7 miliwn o drigolion y wlad yn byw yn Tripoli, y brif ddinas, allan o boblogaeth o 6.4 miliwn.

Hanes

Prif: Hanes Libya

Cynhanes

Celfyddyd cynhanes mewn ogof yn Tadrart Acacus.

Dros 10 mil o flynyddoedd yn ôl roedd 90% o'r wlad yn llawn o blanhigion a choed, gyda hinsawdd debyg i wledydd y Canoldir. Dengys tystiolaeth archaeolegol mai'r Berberiaid oedd yn byw yn y rhan yma o Affrica yn Oes Newydd y Cerrig. Gallent dyfu cnydau a magu anifeiliaid.

Y Ffeniciaid a'r Groegwyr

Tua 500 CC roedd dylanwad Ffeniciaid ar yr ardal yn gryf a gwelwyd sefydlu tair dinas yn yr ardal rydym heddiw'n ei alw'n Tripolis ("tair dinas"). Erbyn 630 roedd yr Hen Roegiaid wedi sefydlu 630 BC, porthladd Cyrene ac yna pedair dinas arall yn ystod y blynyddoedd dilynol, a galwyd rhain y Pentapolis ("pum dinas").

Tyfodd Cyrene yn un o ganolfannau celfyddydol ac academig drwy gydol y byd Groegaidd, gyda'i hysgol meddygol a phensaerniol a'i chanolfannau dysg heb eu hail drwy'r byd.

Y Rhufeiniaid

Ymosododd y Rhufeiniaid ar yr ardal o gwmpas Tripoli) yn 106 CC ac erbyn 64 CC roedd llengoedd Iwl Cesar wedi cadarnhau a chryfhau'r dair ardal yn Rhanbarth Rufeinig, gan greu (o ran tiriogaeth) am y tro cyntaf y ffiniau presennol.

Llewyrchodd yr economi am rai canrifoedd o dan y Rhufeiniaid.

Chwyldro 1969

Ar y 1af o Fedi 1969 cafwyd coup d'état yn y wlad a daeth Muammar al-Gaddafi i rym ar ôl trechu'r Brenin Idris tra fod y brenin yn Nhwrci yn cael triniaeth meddygol.

Chwyldro 2011

Baner 1951 - 1969, a ddefnyddiwyd cyn Gadaffi ac a ddefnyddiwyd gan yr ochr wrth-gadaffi yn ystod protestiadau 2011 fel baner de-facto'r Weriniaeth newydd.

Prif: Rhyfel Cartref Libya

Yn Chwefror 2011 llifodd ton ar ôl ton o brotestiadau gwleidyddol drwy'r Dwyrain Canol; ffynhonnell y protestiadau hyn oedd Tiwnisia ac yna'r Aifft yn Ionawr 2011 a gwelwyd ymgyrch gref drwy Lybia i gael gwared â Gaddafi a'i ddull unbeniaethol o reoli. Dyw hyn ddim yn syndod o gofio fod y ddwy wlad yma (Tiwnisa a'r Aifft) o fewn tafliad carreg i Lybia (ffiniau dwyreiniol a gorllewinol).

Erbyn 23ain o Chwefror roedd Gaddafi wedi colli rheolaeth o lawer iawn o drefi'r wlad ac yn ôl nifer o adroddiadau roedd dros fil o bobl wedi marw.

Ar yr 17fed o Fawrth pasiwyd "mesur 1973" gan Gyngor Diogelwch y Cenhedloedd Unedig o 10 pleidlais i 0 gyda Rwsia, Tseina ac India yn ymatal. Roedd y mesur yn caniatau gwaharddiad hedfan ac i warchod trigolion Lybia "drwy unrhyw ddull angenrheidiol". Deuddydd wedyn roedd Awyrlu Ffrainc wedi ymosod ar 4 o danciau Gadaffi.

Economi

Prif: Economi Libya

Mae Libya'n wlad ffynnianus sy'n elwa o'r cyfoeth olew a geir yn Niffeithwch Libya a mannau eraill yn ne'r wlad.

Gweler hefyd

• Y Gwanwyn Arabaidd
• Intifada Tunisia, Rhagfyr 2010–heddiw
• Gogledd Affrica
• Undeb y Maghreb Arabaidd
• Al Bayda: y bedwaredd dinas fwyaf yn Libya.