Undeb y Maghreb Arabaidd
 | |
| Data cyffredinol | |
|---|---|
| Enghraifft o'r canlynol | sefydliad rhynglywodraethol  |
| Dechrau/Sefydlu | 1989 |
| Gwefan | https://maghrebarabe.org/ |
 Ffeiliau perthnasol ar Gomin Wicimedia | |
Sefydlwyd Undeb y Maghreb Arabaidd (Arabeg: اتحاد المغرب العربي Ittihad al-Maghrib al-Araby, Ffrangeg: Union du Maghreb arabe) yn 1989 fel cytundeb masnach pan-Arabaidd gyda'r nod o hyrwyddo undeb economaidd a gwleidyddol yn y Maghreb Mawr yng ngogledd-orllewin Affrica. Cyfeirir at yr undeb fel UMA fel rheol.
Ceir pum aelod-wladwriaeth, sef Algeria, Libia, Mauritania, Moroco, a Tiwnisia. Lleolir y pencadlys yn Rabat, prifddinas Moroco.
Y problemau gwleidyddol rhanbarthol mwyaf sy'n wynebu'r Undeb yw'r sefyllfa yn nhiriogaeth dadleuol Gorllewin Sahara, a reolir gan Moroco ond a hawlir gan fudiadau dros annibyniaeth, a'r tensiynau rhwng Moroco ac Algeria sydd wedi arwain at gau'r ffin rhwng y ddwy wlad a llesteirio datblygiad cysylltiadau cludiant rhanbarthol trwy Algeria.
Aelodau[golygu | golygu cod y dudalen]
Algeria (1989)
Libia (1989)- Mauritania (1989)
Moroco (1989)
Tiwnisia (1989)
Yn 16fed sesiwn gweinidogion tramor UMA, a gynhaliwyd ar 12 Tachwedd 1994 yn Algiers, gwnaeth yr Aifft gais ffurfiol i ddod yn aelod.
Gweler hefyd[golygu | golygu cod y dudalen]
Dolenni allanol[golygu | golygu cod y dudalen]
- (Ffrangeg) (Saesneg) Gwefan swyddogol