Aled Jones Williams

Aled Jones Williams
Ganwyd	1956  Llanwnda
Dinasyddiaeth	Cymru
Alma mater	Prifysgol Bangor
Galwedigaeth	ysgrifennwr, offeiriad Anglicanaidd

Llenor a dramodydd o Gymru yw Aled Jones Williams (ganed ym 1956).

Enillodd y Brif Wobr Drama yn Eisteddfod Genedlaethol Cymru Nedd a'r Cyffiniau 1994, am ei ddrama Y Dyn Ll'nau Bogs, ac yn 2002, enillodd Goron Eisteddfod Genedlaethol Cymru Tyddewi 2002 gydag Awelon. Cafodd ei lyfr Ychydig Is Na’r Angylion ei enwebu ar gyfer rhestr hir Llyfr y Flwyddyn 2007. Achoswyd cryn ymryson gan ei ddrama Iesu! yn 2008, gan iddo bortreadu Iesu fel merch.

Bywgraffiad

Ganwyd Aled Jones Williams yn Llanwnda ger Caernarfon, yn unig blentyn i ficer y plwyf a'i wraig, R. E. a Megan Williams. Addysgwyd yn Ysgol Gynradd Bontnewydd ac Ysgol Dyffryn Nantlle cyn mynychu Prifysgol Bangor a graddio ym 1977. Aeth ymlaen i Goleg Diwinyddol Mihangel, Llandaf, a Phrifysgol Caerdydd. Fe ordeinwyd i'r Eglwys yng Nghymru ym 1979 gan wasanaethu yng Nghonwy, Llanrug a Machynlleth. Wedi cyfnod yn dioddef o alcoholiaeth gadawodd yr eglwys, daeth yn aelod o gymuned L'Arche yn Lerpwl gan rannu ei fywyd â rhai oedd ag anabledd meddwl. Yn ystod ei gyfnod yno y priododd â Susan. Dychwelodd i Gymru yn 1995 i wasanaethu fel offeiriad ym Mhorthmadog. Mae ganddyn nhw dri o blant: Marc, Bethan a Gwydion. Mae'n byw yng Nghricieth erbyn hyn.

Dramâu

Darlledwyd nifer o'i ddramâu ar BBC Radio Cymru gan gynnwys

• Chwara Adra (2009)
• Y Ferch yn y Peiriant (2011)
• O Ben y Bont (2012)
• Efa ac Adda (2012)
• Sonata (2013)
• Y Cymro Olaf (2015)

Mae ei ddramâu llwyfan yn cynnwys:

• Y Dyn Ll'nau Bogs (1995)
• Cnawd (1997)
• Pêl Goch (1998)
• Wal (1999)
• Tiwlips (1999)
• Ta-Ra Teresa (2002)
• Be' O'dd Enw Ci Tintin? (Tach 2003)
• Lysh (Gorff 2004)
• Iesu! (Gorff 2008)
• Merched Eira (2010)
• Chwilys (Awst 2010)
• Pridd (Tach 2013)

Llyfryddiaeth

• 'Rhaid i Ti Fyned y Daith Honno dy Hun' (Gwasg Pantycelyn, 2001)
• Be' O'dd Enw Ci Tintin? (Theatr Bara Caws, 2003)
• Eneidiau (Gwasg Carreg Gwalch, 2013)
• Iesu! (Gwasg Gomer, 2008)
• Lysh (Theatr Bara Caws, 2004)
• Disgwl Bys yn Stafell Mam: Chwech o Ddramau (Maw 2006)
• Merched Eira a Chwilys (Gwasg Carreg Gwalch, 2010)
• Oerfel Gaeaf Duw (Gwasg Pantycelyn, 2002)
• Tuchan o Flaen Duw (Gwasg Carreg Gwalch, 2012)
• Wal (Gw. Disgrifiad, 2000)
• Y Cylchoedd Perffaith (Gwasg y Bwthyn, 2010)
• Ychydig Is Na'r Angylion (Gwasg y Bwthyn, 2006)
• Yn Hon Bu Afon Unwaith (Gwasg y Bwthyn, 2008)
• Duw yw'r Broblem, gyda Cynog Dafis (Gwasg Carreg Gwalch, 2016)
• Raffl (Gwasg Carreg Gwalch, 2023)