Ffont-y-gari

Ffont-y-gari

Math	pentref, anheddiad dynol
Daearyddiaeth
Sir	Bro Morgannwg
Gwlad	Cymru
Cyfesurynnau	51.3853°N 3.3654°W
Gwleidyddiaeth
AC/au	Jane Hutt (Llafur)
AS/au	Alun Cairns (Ceidwadwr)
Ffeiliau perthnasol ar Comin
[golygwch ar Wicidata]

Pentref ger Y Rhws ar arfordir Bro Morgannwg, de Cymru, yw Ffont-y-gari (llurguniad Saesneg: Fontegary).

Gorwedd y pentref i'r de-orllewin o'r Barri ger Maes Awyr Caerdydd, prif faes awyr y wlad. I’r gogledd mae Ffwl-y-mwn a Chastell Ffwl-y-mwn.

Mae tarddiad yr enw yn ansicr, ond yn 1587, roedd e wedi ei gofnodi fel “Fundygary”.

Nid oes llawer yn y pentref bychan heblaw tai, gwersyllfa gwyliau a thraeth caregog. Ar Ddydd Sul, mae yna arwerthiant cist ceir yn y wersyllfa gwyliau. Mae chwarel segur rhwng Ffont-y-gari ac Aberddawan.

Yn 1928 roedd Ffont-y-gari yn lle poblogaidd i gael picnic, ac yn 1943, cafodd Ffont-y-gari ei ddisgrifio fel “cyrchfa haf dymunol gyda thraeth hyfryd ar gyfer ymdrochfa, yn ymyl elltydd ysgithrog sydd yn creu cefndir hyfryd - a hefyd lle cyfleus i nofiwr i newid ei ddillad.” Mae’r traeth creigiog a’r elltydd yn hynod ac mae yna ogof fawr o’r enw Ogof Ffont-y-gari. Yn y 1960au, lluniodd Francis Lymburner arfordir Ffont-y-gari yn ei luniau pen ac inc Cymreig. Aeth yr actores Susan George ar ei gwyliau yn y wersyllfa gwyliau fel plentyn.

Cynrychiolir yr ardal hon yn y Cynulliad Cenedlaethol gan Jane Hutt (Llafur) a'r Aelod Seneddol yw Alun Cairns (Ceidwadwr).

Cyfeiriadau

Trefi a phentrefi Bro Morgannwg

Aberogwr  · Aberddawan  · Aberthin  · Y Barri  · Y Bont-faen  · City  · Corntwn  · Clawdd Coch  · Dinas Powys  · Eglwys Fair y Mynydd  · Ewenni  · Ffont-y-gari  · Gwenfô  · Larnog  · Llanbedr-y-fro  · Llancarfan  · Llancatal  · Llandochau  · Llandochau Fach  · Llandŵ  · Llanddunwyd  · Llan-faes  · Llanfair  · Llanfihangel-y-pwll  · Llanfleiddan  · Llangan  · Llansanwyr  · Llanilltud Fawr  · Llwyneliddon  · Llyswyrny  · Marcroes  · Merthyr Dyfan  · Ogwr  · Penarth  · Pendeulwyn  · Pen-llin  · Pennon  · Pen-marc  · Y Rhws  · Sain Dunwyd  · Saint Andras  · Sain Nicolas  · Sain Siorys  · Sain Tathan  · Saint-y-brid  · Y Sili  · Silstwn  · Southerndown  · Tair Onnen ) Trebefered  · Trefflemin  · Tregatwg  · Tregolwyn  · Tresimwn  · Y Wig  · Ystradowen