Baner Ynysoedd Americanaidd y Wyryf

Mabwysiadwyd baner Ynysoedd Wyryf yr Unol Daleithiau ar 17 Mai 1921 ar gyfer Ynysoedd Americanaidd y Wyryf. Mae'n cynnwys fersiwn symlach o arfbais yr Unol Daleithiau rhwng y llythrennau V a I (llythrennau cyntaf "Virgin Islands"). Mae'r eryr aur yn dal sbrigyn o lawryf mewn un crafanc, a thair saeth yn y llall. Mae'r lliw glas yn y tarian ar fron yr eryr yr un lliw â tharian yr Unol Daleithiau.^[1]

Ynysoedd Denmarc

Rhwng 1754 a 1916, ffurfiai'r ynysoedd ran o India'r Gorllewin Denmarc, rhan o ymerodraeth Denmarc. Yn swyddogol, nid oedd unrhyw faner ynghlwm wrthynt heblaw am faner Denmarc.

Fodd bynnag, mae sôn am faner syml wedi'i modelu ar y Blue Ensign Brydeinig gyda baner Denmarc yn y canton.^[2] Mae'n bresennol ar baentiadau a darluniau, lle gwelir yn chwifio nid o'r brif bolyn lle mae faner genedlaethol Denmarc y chwifio ond yn hytrach ar flaen y llong. Roedd baner ar y polyn blaen yma yn dangos tarddiad y perchennog neu gyrchfan y llong. Byddai llongau oedd yn ei chwifio yn dangos unai ei bod yn hwylio yn nyfroedd Denmarc a Norwy, neu eu bod ynghlwm wrth borthladdoedd Ewrop. Daethpwyd i'r casgliad, er bod ansafonol, bod hon yn faner cwrteisi wedi'i briodoli i India'r Gorllewin Denmarc.

Gwerthodd Denmarc yr ynys i UDA yn 1916 am $25 miliwn, gwerth $575.61 miliwn mewn arian 2018. Trosglwyddwyd yr ynysoedd yn 1917 wedi refferendwm ar y cytundeb yn Nenmarc.

Ynysoedd Unol Daleithiau America

Dechreuodd y syniad o faner Ynysoedd Virgin UDA o dan weinyddiaeth Rear Admiral Summer Ely, Whitmore Kitelle, a wnaethpwyd yn llywodraethwr yr ynysoedd ar 26 Ebrill 1921. Aeth at Mr. White, capten llong y Grib ac at Percival Wilson Sparks, a gofynnodd iddynt am awgrymiadau ar gyfer dyluniad baner. Tynnodd Sparks, a oedd yn gartwnydd, ddyluniad ar bapur. Wedi hynny, trosglwyddwyd dyluniad Sparks ar ddeunydd cotwm trwm, a gofynnodd i'w wraig, Grace, a'i chwaer, Blanche Joseph, frodio'r dyluniad.

Dolenni

United States Virgin Islands yn Flags of the World
CIA - The World Factbook - Virgin Islands Archifwyd 2013-06-15 yn y Peiriant Wayback

Cyfeiriadau

↑ "The U.S. Virgin Islands Flag". gov.vi. The Government of the U.S. Virgin Islands. Archifwyd o'r gwreiddiol ar 28 Ionawr 1998.
↑ Louis Mühlemann, Geschichte und Politik im Spiegel der Staatschefsstandarten, 1968

[1] "The U.S. Virgin Islands Flag". gov.vi. The Government of the U.S. Virgin Islands. Archifwyd o'r gwreiddiol ar 28 Ionawr 1998.

[2] Louis Mühlemann, Geschichte und Politik im Spiegel der Staatschefsstandarten, 1968

[1]

[2]