Glan-bad

Oddi ar Wicipedia
Neidio i: llywio, chwilio
Afon Taf yng Nglan-bad

Pentref yn Rhondda Cynon Taf yw Glan-bad (Saesneg: Upper Boat). Fe'i lleolir ar gyrion Pontypridd.

Mae'n adnabyddus ym myd y cyfryngau fel lleoliad Upper Boat Studios BBC Cymru, lle cynhyrchir y fersiwn newydd o Doctor Who, ynghyd â'r cyfresi teledu sy'n deillio ohono, sef Torchwood a The Sarah Jane Adventures.

Daw'r enw Glan-bad/Upper Boat o'i leoliad ar y gamlas hanesyddol sy'n cysylltu Caerdydd ac Abercynon. Roedd y rhan o'r gamlas rhwng Abercynon a thrwy Pontypridd i Lan-bad yn gul iawn am ei bod mewn cwm cul. Ond ar ôl Glan-bad mae'r cwm yn lledaenu ac adeiladwyd camlas fwy llydan. Arferid trosglwyddo llwythi i fadau llai yng Nglan-bad a dyna sut y cafodd ei enw, yn achos y Gymraeg a'r Saesneg.