Rhif

Oddi ar Wicipedia
Neidio i: llywio, chwilio
Esboniad gweledol: y symbol saith (7) a saith llun

Symbol mathemategol o wrthrych neu wrthrychau ydy rhif, a ddefnyddir i gyfri a mesur. Fe'i defnyddir hefyd fel label e.e. rhifau ffôn neu i archebu nwyddau drwy rif cyfresol (Saesneg: serial number). Dros y blynyddoedd mae'r hyn rydym yn ei dderbyn o dan y teitl "rhif" hefyd yn cynnwys 0 (sef sero) a rhifau negatif. Y rhan o fathemateg lle astudir rhifedd gan fwyaf ydy algebra.

Amrywiol[golygu]

Dau ddull o gyfri yn Gymraeg[golygu]

Ceir dau ddull o gyfri yn Gymraeg. Mae'r hen ddull, sef y dull clasurol, yn dal i gael ei ddefnyddio er nad cymaint ag yn y gorffennol, yn enwedig y rhifau uwch (dros 20) fel e.e. saith a phedwar ugain (87). Mae'r dull modern, fodd bynnag, yn haws ar gyfer mathemateg: wyth-deg-saith = 87 gan ei fod yn dilyn yr un drefn resymegol: miloedd, cannoedd, degau ac unedau, chwith i'r dde.

Eto, defnyddir ambell enghraifft o'r dull clasurol ledled Cymru ym mhob maes e.e. deunaw = 18 (yn ogystal ag un-deg-wyth) a chlywir "saith bunt ar hugain" ac ati hefyd. Bellach (2010) mae'r dull modern "Emyn cant-wyth-deg-saith" wedi goddiweddu'r "Emyn cant a saith a phedwar ugain" traddodiadol ac ni ddysgir yr hen drefn o gyfrifo mewn ysgolion, eithr y dull modern gyda rhai termau o'r dull traddodiadol megis "deunaw" yn parhau. Mae'n arferol hefyd i ddefnyddio'r dull clasurol ar gyfer y canrifoedd, e.e. yr 'ugeinfed ganrif' (20fed ganrif), yr 'unfed ganrif ar bymtheg' (16eg ganrif).

Rhai geiriau am rifau[golygu]

  • Un, dau, tri - 1, 2, 3
  • Un cant a dau-ddeg-tri - 123
  • Dwsin: 12
  • Ugain: 20
  • Hanner cant: 50
  • Kilo: 1,000

Mae'r idiom "Rhif y gwlith" yn golygu "llawer".

Hud a ledrith[golygu]

Arferai'r Celtiaid gredu fod i'r rhif 3 hud a lledrith iddo ac y deuai a lwc dda i'r person.

"Un frân ddu ddaw ag anlwc eto!" meddai'r hen gân werin.

Caneuon[golygu]

Ceir llawer o ganeuon "cyfri" yn y Gymraeg e.e. "Cyfri'r Geifr".

Gweler hefyd[golygu]


Wiktionary-logo-cy.png
Chwiliwch am rhif
yn Wiciadur.