Brad (ffilm)

**Brad**
Cyfarwyddwr	Gareth Wynn Jones
Cynhyrchydd	Gareth Wynn Jones a Dafydd Huw Williams
Ysgrifennwr	Saunders Lewis
Addaswr	Harri Pritchard Jones
Sinematograffeg	Kevin Duncan
Sain	Mike Shoring
Dylunio	Medwyn Roberts
Cwmni cynhyrchu	Ffilmiau'r Tŷ Gwyn ac S4C
Gwlad	Cymru
Iaith	Cymraeg

Addasiad i'r sgrin fawr o ddrama lwyfan Saunders Lewis yw'r ffilm Brad o 1994. Ffilmiau'r Tŷ Gwyn oedd yn gyfrifol am ei chynhyrchu ar gyfer S4C, a hynny fel dilyniant i Sigaret? - addasiad ffilm o'r ddrama Gymerwch Chi Sigaret? yn 1991.

Roedd addasiad Harri Pritchard Jones yn llawer ehangach na'r ddrama wreiddiol, gan gynnwys elfennau o'r ddrama 1938 yn ogystal. Gareth Wynn Jones oedd yn cyfarwyddo. Roedd y cast yn cynnwys J.O Roberts, Grey Evans, Robin Griffith, Lindsay Evans, Dafydd Emyr, Mari Rowland Hughes, Noel Williams a Dyfan Roberts fel Adolf Hitler.

Cynhyrchu

Ffilmiwyd y golygefydd am gyfnod o 7 wythnos yn Mehefin / Gorffennaf 1993 mewn amrywiol leoliadau o Gaernarfon i Lerpwl. Yng Nghaernarfon, defnyddwyd Plasdai Glynllifon a'r Faenol, ac yn Lerpwl ffilmiwyd yng Ngwesty'r Adelphi, Neuadd St George's a Plasdy Croxteth. Camp fwyaf y cynllunydd Medwyn Roberts oedd ail-greu'r byncar lle ceisiwyd gosod y bom, i ladd Hitler. Wedi adeiladu'r adeilad o bren, bu'n rhaid defnyddio ffrwydro'n i chwalu'r cyfan, at ddibenion y stori.

Helen Tucker oedd yng ngofal y coluro a Gwenda Evans yng ngofal y gwisgoedd, a bu'n rhaid i'r ddwy ymchwilio'n fanwl gan fod y cyfan yn cyd-fynd efo digwyddiadau hanesyddol.