Dyfan Roberts

Oddi ar Wicipedia
Jump to navigation Jump to search
Dyfan Roberts
Ganwyd Mehefin 1949 Edit this on Wikidata
Dolgellau Edit this on Wikidata
Dinasyddiaeth Baner Cymru Cymru
Alma mater
Galwedigaeth Actor Edit this on Wikidata

Actor a chynhyrchydd o Gymro yw Dyfan Edwards Roberts (ganwyd Mehefin 1949). Mae'n adnabyddus am chwarae'r brif ran yn Un Nos Ola Leuad ac fel llais yr adroddwr ar Superted.

Ym mis Mai 2009, dechreuodd weithio fel Swyddog Datblygu'r Celfyddydau ym Mhrifysgol Bangor.

Bywyd cynnar[golygu | golygu cod y dudalen]

Fe'i magwyd yn Nolgellau ac aeth i'r Ysgol Ramadeg yn y dref (Ysgol y Gader erbyn hyn).[1]. Mae'n frawd i'r canwr gwerin Arfon Gwilym.

Gyrfa[golygu | golygu cod y dudalen]

Ymunodd a Chwmni Theatr Cymru yn 1970, cwmni oedd yn cael ei arwain gan Wilbert Lloyd Roberts, ac am bedair blynedd roedd y cwmni yn teithio yn creu perfformiadau mewn neuaddau pentre a neuaddau ysgol. Agorwyd Theatr Gwynedd ym Mangor yn Rhagfyr 1974 gan greu cartref proffesiynol i theatr yng ngogledd-orllewin Cymru. Roedd Dyfan yn un o'r actorion cyntaf i berfformio ar lwyfan y theatr a'r cynhyrchiad proffesiynol cyntaf yno oedd pantomeim Pwyll Gwyllt gyda Dyfan yn chwarae'r prif gymeriad 'Gwenyn'.[2]

Roedd yn un o sefydlwyr Cwmni Theatr Bara Caws yn 1976.

Yn yr 1980au roedd yn nodedig fel digrifwr a dynwaredwr ar nifer o raglenni adloniant S4C yn cynnwys Goglis, Y Cleciwr, Plu chwithig, Sebon a bocs a Tebyg at ei debyg. Bu'n cydweithio gyda Caryl Parry Jones ar raglenni comedi fel Caryl a Dyfan yn y bocs, Bocs Dolig Caryl a Dyfan a oedd yn dynwared sêr S4C y cyfnod.

Mae wedi lleisio nifer o gymeriadau ar gyfer cartwnau a drosleisiwyd i'r Gymraeg yn cynnwys Asterix, Sion Hafard - Gofotwr a Smot.

Yn y 1990au cychwynnodd gwmni teledu Llun y Felin gyda'i wraig Angela. Cynhyrchodd y cwmni cyfresi plant fel Anturiaethau Jini Mê, Cabarê Cwasar, Bolgi Bach ac Yr Awr Cyn y Wawr[3] yn ogystal a'r ffilm Y Mynydd Grug (1997).

Ffilmyddiaeth[golygu | golygu cod y dudalen]

  • The Corn Is Green (1979) (ffilm deledu) .... Gwyn
  • Superted (1982) (cyfres deledu, animeiddio) .... Adroddwr
  • Anturiaethau Syr Wynff a Plwmsan (1982) (cyfres deledu) .... Heddgeidwad, Postman Robaji, cymeriadau eraill
  • The District Nurse (1984) (cyfres deledu, 1 pennod) .... Shwn Rodway
  • Penyberth (1985) (drama deledu, BBC Cymru)
  • Stormydd Awst (1988) (ffilm deledu)
  • Anturiaethau Jini Mê (1991) (cyfres deledu) .... Adroddwr
  • Un Nos Ola' Leuad (1991) .... Dyn
  • The Cormorant (1993) (teledu) .... Glyn
  • Byd Guto Gwningen a'i Gyfeillion (1994) (animeiddio, 1 pennod) .... Teiliwr Caerloyw, Llygod, lleisiau eraill
  • Smot a Swyn y Nadolig (1996) (animeiddio) .... Sam, Bili, Siôn Corn, lleisiau eraill
  • Y Mynydd Grug (1997) .... Stiward
  • Smot yn y Carnifal (1998) (animeiddio) .... Sam, Taid, Bili, lleisiau eraill
  • Tecwyn y Tractor (1999) (cyfres deledu) .... Llais
  • Porc Peis Bach (2000) (cyfres deledu) .... Arwerthwr

Cyfeiriadau[golygu | golygu cod y dudalen]

  1.  Pum Cynnig i Gymro, addasiad Dyfan Roberts o lyfr John Elwyn Jones. Art Scene in Wales (19 Chwefror 2015). Adalwyd ar 26 Awst 2016.
  2. Cofio cartre'r theatr Gymraeg , BBC Cymru Fyw, 27 Ebrill 2016. Cyrchwyd ar 26 Awst 2016.
  3.  Codi Stiwdio. Eco'r Wyddfa (Tachwedd 1995). Adalwyd ar 26 Awst 2016.