C.P.D. Dinas Bangor

Oddi ar Wicipedia
Neidio i: llywio, chwilio
Dinas Bangor
Logo dinas bangor.png
Enw llawn Clwb Pêl-droed Dinas Bangor
Llysenw(au) Dinasyddion (The Citizens)
Sefydlwyd 1876
Maes Nantporth
Cadeirydd Dilwyn Jones
Rheolwr Baner Cymru Neville Powell
Cynghrair Uwch Gynghrair Cymru
2013-2014 4ydd
Lliwiau Cartref
Ail ddewis


Nantporth, cartref y clwb ers 2011
Ffordd Ffarrar, maes y clwb 1919-2011

Clwb pêl-droed o ddinas Bangor, Gwynedd yw Clwb Pêl-droed Dinas Bangor (Saesneg: Bangor City Football Club). Mae'r clwb yn cchwarae yn Uwch Gynghrair Cymru, y brif adran bêl-droed yng Nghymru.

Ffurfiwyd y clwb y 1876[1] ac maent wedi codi Cwpan Cymru ar wyth achlysur yn ogystal ac ennill Uwch Cynghrair Cymru dair gwaith ac maent wedi bod yn aelodau parhaol o'r Uwch Gynghrair ers ei sefydlu ym 1992.

Mae Bangor yn chwarae eu gemau cartref ar faes Nantporth ers mis Ionawr 2012. Mae'r maes yn dal uchafswm o 3,000 o dorf gyda 1,147 o seddi[2].

Hanes[golygu]

Y Blynyddoedd Cynnar[golygu]

Ffurfiwyd y clwb ym 1876, gan chwarae eu gemau ym Maes y Dref yn ardal Hirael y ddinas. Llwydddd Bangor i osod eu stamp fel un o brif glybiau Cymru pan gyrhaeddodd y Dinasyddion rownd gyn derfynol cystadleuaeth cyntaf Cwpan Cymru ym 1877-78[3].

Ar ddiwedd y 19ed ganrif, gyda chlybiau Cymru yn dod yn fwy uchelgeisiol, sefydlwyd sawl cynghrair i geisio efelychu llwyddiant Cynghrair Lloegr. Roedd Prif Gynghrair Cymru yn gwasanaethu ardal Wrecsam tra bod y Combination, oedd wedi ei sefydlu ym 1890 ar gyfer prif dimau Manceinion,Sir Gaerhirfryn a Sir Gaer yn cynnwys rhai o brif dimau Cymru fel Wrecsam a'r Waun. Oherwydd costau teithio, daeth nifer o glybiau gogledd orllewin Cymru at eu gilydd er mwyn ffurfio Arfordir Gogledd Cymru ym 1893[4].

Ar ôl codi tlws Cwpan Cymru yn 1889 a 1896, ymunodd Bangor â'r Combination League ym 1899[5] gan adael yr ail dîm i chwarae yng Nghynghrair Arfordir Gogledd Cymru hyd nes i'r Combination League ddirwyn i ben ym 1910.

Wedi'r Rhyfel Byd Cyntaf ail-ymunodd Bangor â Chynghrair yr Arfordir ac ym 1919 bu rhaid i'r clwb adael eu cartref ym Maes y Dref, ac er mwyn cwblhau eu gemau, symudodd Bangor i rannu maes Clwb Criced Bangor yn Ffordd Farrar.

Chwarae yn Lloegr[golygu]

Ym 1932, penderfynodd Bangor ddilyn clybiau fel Wrecsam, Y Rhyl a Bae Colwyn ac ymuno â Chynghrair Birmingham a'r Cylch. Dyma ddechrau ar 60 mlynedd o chwarae pêl-droed dros Glawdd Offa. Ym 1938, symudodd Bangor o Gynghrair Birmingham a'r Cylch i Gynghrair Sir Gaerhirfryn (Saesneg: Lancashire Combination) gan orffen yn ail yn eu tymor cyntaf[6]

Ym 1950 ymunodd Bangor â'r Rhyl ac Ail Dîm Wrecsam yng Nghynghrair Sir Gaer (Saesneg: Cheshire League)[7]. Yn 1961-62 llwyddodd Bangor i godi Cwpan Cymru am y trydydd tro a chael eu lle yn Nghwpan Enillwyr Cwpanau Ewrop am y tro cyntaf. Daeth y clwb allan o'r het i wynebu Napoli o'r Eidal. Yn y cymal cyntaf ar Ffordd Farrar cafwyd buddugoliaeth annisgwyl 2-0 ac yn yr ail gymal yn Yr Eidal llwyddodd Bangor i rwydo unwaith wrth golli 3-1. O dan reolau presenol cystadlaethau UEFA byddai Bangor wedi mynd trwodd i'r rownd nesaf ar y rheol goliau oddi cartref. Ond ar y pryd, gyda'r gêm yn gyfartal 3-3 dros ddau gymal, bu rhaid cael trydydd gêm ar faes niwtral Highbury, cartref Arsenal yn Llundain a llwyddodd Napoli i ennill 2-1.

Gadawodd Bangor Gynghrair Sir Gaer ym 1968 er mwyn dod yn aelodau gwreiddiol o Uwch Gynghrair Gogledd Lloegr (Saesneg: Northern Premier League)[8] ac erbyn 1979, roedd y clwb wedi derbyn gwahoddiad i fod yn aelodau gwreiddiol yr Uwch Gynghrair Undebol (Saesneg: Alliance Premier League) sydd bellach yn cael ei hadnabod fel Y Gyngres (Saesneg: Football Conference).

Ar 12 Mai 1984 daeth Bangor y clwb Cymreig cyntaf i chwarae yn Wembley ers Dinas Caerdydd ym 1927 ar ôl llwyddo i gyrraedd rownd derfynol Tlws FA Lloegr. Cafwyd gêm gyfartal 1-1 yn erbyn Northwich Victoria gyda Paul Whelan yn sgorio'r gôl hanesyddol i'r Dinasyddion. Collwyd y gêm ail chwarae ar Faes Fictoria, Stoke 1-2 gyda Phil Lunn yn sgorio i Fangor.

Uwch Gynghrair Cymru[golygu]

Ymunodd Bangor ag Uwch Gynghrair Cymru ar gyfer y tymor agoriadol ym 1992-93 ac maent wedi bod yn aelodau o'r gynghrair byth ers hynny.

Llwyddodd y clwb i ennill y Gynghrair ym 1993-94 a 1994-95 cyn sicrhau eu trydydd pencampwriaeth yn 2010-11.

Carfan Bresennol[golygu]

Yn gywir 29 Awst 2014

Nodyn: Diffinir y baneri cenedlaethol o dan reolau FIFA. Gall y chwaraewyr, felly, fod o fwy nag un cenedl.

Rhif Safle Chwaraewr
1 Lloegr Jack Cudworth
2 Lloegr Declan Walker
3 Cymru Chris Roberts
4 Cymru Michael Johnston (is-gapten)
5 Cymru James Brewerton (capten)
6 Lloegr Anthony Miley
7 Cymru Chris Jones
8 Lloegr Robert Jones
9 Cymru Les Davies (3edd capten)
10 Lloegr Jamie Petrie
11 Cymru Sion Edwards
Rhif Safle Chwaraewr
13 Lloegr Nick Bould
14 Cymru Joe Culshaw
16 Cymru Iolo Hughes
17 Lloegr Sam Hart
18 Lloegr Jack Laird
19 Lloegr Damien Allen
20 Cymru Ryan Edwards
22 Cymru Corey Jones
26 Cymru Leon Clowes

Record Ewropeaidd[golygu]

Tymor Cystadleuaeth Rownd Clwb Cymal 1af 2il Gymal Dros Ddau Gymal
1962–63 Cwpan Enillwyr Cwpanau Ewrop R1 Baner Yr Eidal Napoli 2–0 1–3 3–31
1985-86 Cwpan Enillwyr Cwpanau Ewrop R1 Baner Norwy Fredrikstad 0–0 1–1 1–1 (a)
R2 Baner Sbaen Atlético Madrid 0–2 0–1 0–3
1994-95 Cwpan UEFA Rd Rhag Gwlad yr Iâ ÍA Akranes 1–2 0–2 1–4
1995-96 Cwpan UEFA Rd Rhag Gwlad Pwyl Widzew Łódź 0–4 0–1 0–5
1998–99 Cwpan Enillwyr Cwpanau Ewrop Rd Rhag Baner Y Ffindir Haka 0–2 0–1 0–3
2000–01 Cwpan UEFA Rd Rhag Baner Sweden Halmstads 0–7 0–4 0–11
2002–03 Cwpan UEFA Rd Rhag Flag of Serbia and Montenegro.svg Smederevo 1–0 0–2 1–2
2003 Tlws Intertoto Rd 1 Baner Rwmania Gloria Bistriţa 0-1 2-5 2–6
2005 Tlws Intertoto Rd 1 Baner Latfia Dinaburg FC 1–2 0–2 1–4
2008-09 Cwpan UEFA Rhag 1 Baner Denmarc FC Midtjylland 0-4 1-6 1-10
2009–10 Cynghrair Europa UEFA Rhag 2 Baner Y Ffindir FC Honka 0–1 0–2 0–3
2010-11 Cynghrair Europa UEFA Rhag 2 Baner Y Ffindir FC Honka 1-1 1-2 2-3
Rhag3 Baner Portiwgal Marítimo 2-8 1-2 3–10
2011-12 Cynghrair y Pencampwyr UEFA Rhag 2 Baner Y Ffindir HJK Helsinki 0-3 0-10 0-13
2012-13 Cynghrair Europa UEFA Rhag 1 Baner Moldofa Zimbru Chisinau 0-0 1-2 1-2
2014-15 Cynghrair Europa UEFA Rhag 1 Baner Gwlad yr Iâ Stjarnan 0-4 0-4 0-8

Nodiadau:

  • 1: Napoli yn ennill gêm ail gyfle 2–1 yn Highbury, Llundain.

Anrhydeddau[golygu]

  • Uwch Gynghrair Cymru: 3
  • Uwch Gynghrair Gogledd Lloegr: 1
    • Pencampwyr: 1981–82
    • Ail safle: 1986–87
  • Cynghrair Arfordir Gogledd Cymru: 5
    • Pencampwyr: 1895–96, 1899–00, 1900–01, 1903–04, 1919–20
    • Ail safle: 1896–97
  • Cwpan Cymru: 8
    • Enillwyr: 1888-89, 1895-96, 1961-62, 1997-98, 1999-2000, 2007-08, 2008-09, 2009-10
    • Cyrraedd Rownd Derfynol: 1927-28, 1960-61, 1963-64, 1972-73, 1977-78, 1984-85, 2001-02, 2005-06, 2010-11, 2012-13
  • Cwpan Cynghrair Cymru
    • Cyrraedd Rownd Derfynol: 1993-94, 1996-97, 1997-98, 1999-2000, 2002-03, 2008-09
  • Cwpan Her Arfordir y Gogledd: 13
    • Enillwyr: 1926-27, 1935-36, 1936-37, 1937-38, 1946-47, 1950-51, 1957-58, 1964-65, 196768, 1992-93, 1998-99, 2004-05, 2011-12
    • Cyrraedd Rownd Derfynol: 2013-14
  • Tlws FA Lloegr
    • Cyrraedd Rownd Derfynol: 1983–84
  • Cwpan Her Uwch Gynghrair Gogledd Lloegr: 1
    • Enillwyr: 1968-69
  • Cwpan Llywydd Uwch Gynghrair Gogledd Lloegr: 1
    • Enillwyr: 1988-89
  • Tarian Uwch Gynghrair Gogledd Lloegr: 1
    • Enilwyr: 1986-87
  • Cwpan Amatur Arfordir y Gogledd: 9
    • Enillwyr: 1894-95, 1895-96, 1897-98, 1898-99, 1900-01, 1902-03, 1904-05, 1905-06, 1911-12
  • Cwpan Her Gogledd-Orllewin Cymru: 1
    • Enillwyr: 1885-86

Cysylltiadau Allanol[golygu]

Comin Wikimedia
Mae gan Gomin Wikimedia gyfryngau sy'n berthnasol i:
Uwch Gynghrair Cymru, 2014–2015

Aberystwyth | Airbus UK | Bangor | Caerfyrddin | Derwyddon Cefn | Cei Connah | Port Talbot | Prestatyn | Y Bala | Y Drenewydd | Y Rhyl | Y Seintiau Newydd


Cyfeiriadau[golygu]