UEFA

Oddi ar Wicipedia
Neidio i: llywio, chwilio

Y corff ar gyfer rheoli a gweinyddu pêl-droed Ewrop yw'r Union of European Football Associations neu UEFA fel y'i gelwir fel rheol.

Mae UEFA yn cynrychioli cymdeithasau pêl-droed cenedlaethol Ewrop, yn rhedeg cystadlaethau rhyngwladol a chlwb, ac yn rheoli arian gwobr, rheolau, a hawliau darlledu ar gyfer y cystadlaethau hynny. Mae sawl cymdeithas bêl-droed ryngwladol sydd wedi eu lleoli yn Asia yn dewis bod yn rhan o UEFA yn hytrach na Chonffederasiwn Pêl-droed Asia (CPA). Y gwledydd hyn yw Armenia, Georgia, Kazakstan, Twrci, Israel, Cyprus, Rwsia, ac Aserbaijan. (Mae Israel a Kazakstan yn gyn-aelodau o CPA). Dewisodd Cyprus gael ei dosbarthu fel cenedl pêl-droed Ewropeaidd - 'roedd ganddi'r dewis o Ewrop, Asia neu Affrica.

Mae UEFA yn un o chwe chonffederasiwn cyfandirol FIFA. O'r holl conffederasiynau, UEFA yw'r cryfaf o bell ffordd yn ôl cyfoeth a dylanwad dros y gamp ar lefel bydol. Mae chwaraewyr gorau'r byd i gyd bron yn chwarae yng nghynghreiriau Ewrop, yn bennaf oherwydd y cyflogau sydd ar gael gan glybiau cyfoethoga'r byd, yn enwedig yn Lloegr, yr Almaen, yr Eidal, a Sbaen. Mae llawer o dimau rhyngwladol cryfaf y byd yn aelodau UEFA. O'r 32 safle sydd ar gael yn rowndiau terfynnol Cwpan y Byd, mae 14 yn cael eu neilltuo ar gyfer timau cenedlaethol UEFA.

Aelodau Uefa[golygu]