Owain Tudur Jones

Oddi ar Wicipedia
Neidio i: llywio, chwilio
Owain Tudur Jones
Gwybodaeth Bersonol
Enw llawn Owain Tudur Jones[1]
Dyddiad geni (1984-10-15) 15 Hydref 1984 (30 oed)
Man geni Bangor, Cymru
Taldra 1.91m
Safle Canol Cae
Y Clwb
Clwb presennol Hibernian
Rhif 17
Gyrfa Lawn*
Blwyddyn Tîm Ymdd (Gôl)
2000–2001 Porthmadog 10 (0)
2001–2005 Dinas Bangor 96 (24)
2005–2009 Dinas Abertawe 44 (3)
2009 Swindon Town (benthyg) 11 (1)
2009–2011 Norwich City 5 (1)
2010 Yeovil Town (benthyg) 6 (1)
2010 Yeovil Town (benthyg) 14 (1)
2011 Brentford (benthyg) 6 (0)
2011–2013 Inverness Caledonian Thistle 48 (2)
2013–2014 Hibernian 14 (0)
2014-2015 Falkirk 4 (0)
Tîm Cenedlaethol
2005–2006 Cymru dan 21 3 (0)
2008– Cymru 7 (0)
* Cyfrifir yn unig: ymddangosiadau i Glybiau fel oedolyn a goliau domestg a sgoriwyd. sy'n gywir ar 10:17, 15 Medi 2014 (UTC).

† Ymddangosiadau (Goliau).

‡ Capiau cenedlaethol a goliau: gwybodaeth gywir ar 16 Tachwedd 2013

Cyn chwaraewr pêl-droed Cymreig yw Owain Tudur Jones (ganwyd 15 Hydref 1984). Chwaraeodd i Dinas Abertawe, Norwich City, Inverness Caledonian Thistle, Hibernian a Falkirk yn ogystal ag ennill 7 cap dros dîm cenedlaethol Cymru.

Uwch Gynghrair Cymru[golygu | golygu cod y dudalen]

Ymunodd Tudur Jones â Dinas Bangor yn Uwch Gynghrair Cymru o glwb Porthmadog yn y Gynghrair Undebol yn 2001 ac yn ei bedwar tymor gyda Bangor chwaraeodd yn rownd derfynol Cwpan Cymru yn 2002 ac yn Nhlws Intertoto yn 2002 yn erbyn Gloria Bistrita o Romania.

Dinas Abertawe[golygu | golygu cod y dudalen]

Wedi cyfnod ar brawf gyda Dinas Abertawe yn ystod haf 2005, ymunodd Jones â'r clwb am £5,000[2]. Yn ystod ei dymor llawn cyntaf fel chwaraewr proffesiynol, gwnaeth 21 o ymddangosiadau a sgoriodd dair gôl. Llwyddodd hefyd i wneud ei ymddangosiad cyntaf i dîm dan-21 Cymru. Ar ôl pedair mlynedd gyda'r Swans, a chyfnod ar fenthyg â Swindon Town yn 2008/09, symudodd Jones i Norwich City am ffi oddeutu £250,000[3].

Norwich City[golygu | golygu cod y dudalen]

Gwnaeth Jones ei ymddangosiad cyntaf yn y golled 7-1 yn erbyn Colchester ar ddiwrnod agoriadol tymor 2009/10 a sgoriodd ei gôl gyntaf i'r clwb ar 18 Awst 2009 mewn buddugoliaeth 2-1 dros Brentford[4].

Methodd a sicrhau ei le yn rheolaidd yn nhîm Norwich City ac ar ôl cyfnodau ar fenthyg gyda Yeovil Town a Brentford, symudodd i'r Alban ac Inverness Caledonian Thistle yn 2011[5].

Inverness Caledonian Thistle[golygu | golygu cod y dudalen]

Gwnaeth ei ymddangosiad cyntaf i Inverness mewn colled 1-0 yn erbyn Hibs ond yn gynnar wedi'r gêm gyntaf, dioddefodd anaf i'w ben-glîn fyddai'n golygu ei fod angen llawdriniaeth[6]. Collodd chwe mis o'r tymor wrth wella o'i anaf ond sicrhaodd estyniad i'w gytundeb ym mis Mehefin 2012[7].

Hibernian[golygu | golygu cod y dudalen]

Ym mis Mai 2013, symudodd i Gaeredin er mwyn ymuno â Hibernian[8] ond ar ôl cael ei ryddhau gan Hibs, ymunodd â Falkirk ym mis Medi 2014.[9]

Ar 6 Mawrth 2015, wedi brwydro yn erbyn anaf arall, cyhoeddodd Jones ei fod yn ymddeol o bêl-droed[10].

Rhyngwladol[golygu | golygu cod y dudalen]

Gwnaeth ei ymddangosiad cyntaf i Gymru mewn gêm gyfeillgar yn erbyn Lwcsembwrg ym mis Mai 2008[11].

Cyfeiriadau[golygu | golygu cod y dudalen]