Bashar al-Assad

Oddi ar Wicipedia
Neidio i: llywio, chwilio
Yr Arlywydd Bashar al-Assad

Arlywydd cyfredol Gweriniaeth Arabaidd Syria ac Ysgrifenydd Rhanbarthol y Blaid Baath yw Bashar al-Assad (Arabeg: بشار الأسد‎, Baššār al-Asad) (ganed 11 Medi 1965, yn Damascus). Mae'n fab i'r cyn-arlywydd Hafez al-Assad ac, fel gweddill y teulu Assad pwerus, yn Fwslim Alawaidd.

Doedd Assad ddim yn wleidydd proffesiynol cyn iddo gael ei ddewis yn arlywydd yn 2001 yn dilyn marwolaeth ei dad. Mae'n cael ei ystyried yn arweinydd cymharol gymhedrol sy'n barod i drafod gyda'r Gorllewin. Fel ei dad a'r Blaid Baath, mae Assad yn credu mewn gwleidyddiaeth seciwlar ac yn bleidiol mewn egwyddor i ban-Arabiaeth.

Bu'n weithgar iawn ar y ffrynt diplomyddol mewn ymateb i ymosodiad Israel ar Lain Gaza (2008-2009). Cafodd drafodaethau gyda sawl arweinydd a diplomydd, yn cynnwys Nicolas Sarkozy, Arlywydd Ffrainc, a gweinidogion o Iran ac Indonesia.

Protestiadau'r Dwyrain Canol, 2011[golygu]

Fel effaith i'r defroad Arabaidd yng ngwanwyn 2011, gwelwyd protestiadau'n ymledu drwy Syria gan ddechrau ar 26 Ionawr. Galwodd y protestwyr am newidiadau gwleidyddol ac ail sefydlu hawliau dynol. Roedd y protestiadau a gafwyd rhwng 18-19 Mawrth y mwyaf a welwyd yn Syria ers degawdau. Ceisiodd y llywodraeth dawelu'r dyfroedd drwy ychwaneg o drais.

Ar 18 Mai, 2011 arwyddodd yr Arlywydd Barack Obama ddeddfwriaeth i osod sancsiynnau yn erbyn Assad fel ymgais i'w orfodi i roi'r gorau i'w ddulliau treisiol yn erbyn y protestwyr. Mae'r sancsiynnau'n rhewi asedau Assad.

Dolenni allanol[golygu]

Flag of Syria.svg Eginyn erthygl sydd uchod am Syria. Gallwch helpu Wicipedia drwy ychwanegu ato