Un Bore Mercher

Oddi ar Wicipedia
Jump to navigation Jump to search
Un Bore Mercher
Adnabuwyd hefyd fel Keeping Faith
Genre Drama
Ysgrifennwyd gan Matthew Hall
Serennu Eve Myles
Bradley Freegard
Cyfansoddwr/wyr Laurence Love Greed
Gwlad/gwladwriaeth Cymru
Iaith/ieithoedd Cymraeg
Saesneg
Nifer cyfresi 1
Nifer penodau 8
Cynhyrchiad
Cynhyrchydd Pip Broughton, Nora Ostler
Golygydd Mike Hopkins, Kevin Jones
Sinematograffeg Steve Lawes, Bjørn Ståle Bratberg, Steve Taylor
Amser rhedeg 60 munud
Cwmnïau
cynhyrchu
Vox Pictures
Darllediad
Sianel wreiddiol S4C
Fformat llun 1080i (16:9 HDTV)
Darllediad gwreiddiol 5 Tachwedd 2017
Cysylltiadau allanol
Proffil IMDb

Rhaglen ddrama ddirgelwch yw Un Bore Mercher wedi ei leoli yn Sir Gaerfyrddin. Mae'n gyd-gomisiwn rhwng S4C a BBC Cymru a dangoswyd fersiwn Saesneg Keeping Faith ar BBC One Wales yn gynnar yn 2018. Fe'i darlledwyd ar rwydwaith teledu BBC One yn Hâf 2018, y tro cyntaf i gynhyrchiad drama teledu ar y cyd rhwng BBC Cymru/S4C wneud hynny.

Mae'r stori yn adrodd hanes Faith (Eve Myles) wrth iddi ymchwilio i ddiflaniad sydyn ac annisgwyl ei gŵr. Wrth chwilio am y gwir mae'n darganfod cyfrinachau ac yn dechrau amau os yw'n nabod ei gwr o gwbl. Mae'r gyfreithwraig Faith yn troi'n dditectif wrth frwydro i ddarganfod y gwir.

Enillodd y gyfres tair gwobr BAFTA Cymru ym mis Hydref 2018; am Actores (Eve Myles), Cerddoriaeth wreiddiol (Amy Wadge a Laurence Love Greed) ac Awdur (Matthew Hall).[1]

Cynhyrchiad[golygu | golygu cod y dudalen]

Crewyd ac ysgrifennwyd y stori gan Matthew Hall (Kavanagh QC) a fe'i addaswyd i'r Gymraeg gan Anwen Huws (Gwaith/Cartref, Pobol y Cwm)[2] Maggie Russell yw'r Cynhyrchydd Gweithredol ar gyfer BBC Wales, Gwawr Martha Lloyd ar gyfer S4C ac Adrian Bate ar gyfer Vox Pictures.

Cafodd y cynhyrchiad ei ariannu gan S4C, BBC Cymru a thrwy Gyllid Buddsoddi yn y Cyfryngau Llywodraeth Cymru, wedi eu cynghori gan Pinewood Pictures. Bydd yr holl ffilmio yn cael ei wneud mewn lleoliadau o amgylch Cymru gyda'r gwaith ôl-gynhyrchu yng Nghymru hefyd.[3]

Cyhoeddwyd bod ail gyfres ar y gweill ym mis Hydref 2018.[4]

Cast[5][golygu | golygu cod y dudalen]

Penodau[golygu | golygu cod y dudalen]

# Teitl Cyfarwyddwr Awdur Darllediad cyntaf Gwylwyr S4C [6]
1"Pennod 1"Pip BroughtonMatthew Hall (addasiad Anwen Huws)5 Tachwedd 2017 (2017-11-05)46,000
Mae Faith yn gyfreithwraig, mam a gwraig sy'n cael ei thynnu i mewn i ddirgelwch pan fo'i gŵr, Evan, yn diflannu. Wrth chwilio am y gwir, mae'n darganfod bod ganddo gyfrinachau lu ac mae'n dechrau cwestiynu a ydy hi'n ei adnabod o gwbl.
2"Pennod 2"Pip BroughtonMatthew Hall & Sian Naiomi12 Tachwedd 2017 (2017-11-12)37,000
Wrth i'r heddlu ddod i amau Faith, mae hi'n cwrdd a'r cyn-droseddwr, Steve Baldini, sydd wedi dod i nabod Evan yn ddiweddar. Yn y cyfamser, mae Tom yn poeni am yr hyn mae'n ei ddarganfod yn archifau'r cwmni. Mae DI Susan Williams, sydd wedi anghytuno gyda Faith yn y gorffennol, yn dechrau troi ei sylw at y teulu Howells.
3"Pennod 3"Pip BroughtonMatthew Hall (addasiad Anwen Huws)19 Tachwedd 2017 (2017-11-19)llai na 20,000
Mae'r gwrthdaro rhwng Faith a DI Williams yn parhau pan mae Faith yn amddiffyn gweinidog sydd wedi ei gyhuddo o ladrata. Ac ar ol darganfod cit prawf DNA yn swyddfa Evan, mae Faith yn wynebu Marion ac yn dadorchuddio hen gyfrinach.
4"Pennod 4"Pip BroughtonMatthew Hall (addasiad Anwen Huws)26 Tachwedd 2017 (2017-11-26)36,000
Mae Faith yn gorfod derbyn y ffaith bod Evan wedi bod yn ymwneud a theulu troseddol adnabyddus ac mae Bethan yn delio ag oblygiadau cyfrinach ei mam. Mae DI Williams yn casglu tystiolaeth yn erbyn Faith.
5"Pennod 5"Andy NewberyMatthew Hall (addasiad Anwen Huws)3 Rhagfyr 2017 (2017-12-03)32,000
Mae Faith yn amddiffyn hen ffarmwr sydd wedi ei ddal mewn anghydfod gyda pherchennog y tir mae e wedi ei drin ers blynyddoedd. Mae Arthur yn cael ychydig o lwc am unwaith ac mae Dr Alpay yn cynnig gwybodaeth am Evan - am bris.
6"Pennod 6"Andy NewberyMatthew Hall (addasiad Anwen Huws)10 Rhagfyr 2017 (2017-12-10)llai na 24,000
Pan ddaw'r heddlu o hyd i gar Evan yn y dociau mae Faith yn cael ei holi'n dwll. Mae Steve yn rhoi ei fywyd yn y fantol i'w helpu er gwaethaf rhybuddion Tom; mae Bethan yn closio at gleient ac mae Williams yn benderfynol o ddial ar Faith.
7"Pennod 7"Pip BroughtonMatthew Hall (addasiad Anwen Huws)17 Rhagfyr 2017 (2017-12-17)22,000
Gydag Alpay bellach wedi marw, mae Williams yn benderfynol o roi'r bai ar Faith. Mae Terry'n cwrdd a DCI Parry ac mae Steve yn dychwelyd i'w orffennol troseddol i helpu Faith. Mae Faith yn teimlo'n fwy ynysig nag erioed wrth i'r achos llys nesau.
8"Pennod 8"Pip BroughtonMatthew Hall (addasiad Anwen Huws)24 Rhagfyr 2017 (2017-12-24)23,000
Mae Faith yn brwydro i gael ei phlant 'nol mewn achos llys chwerw sy'n bygwth difetha'r teulu Howells. Mae Steve yn dod i gytundeb gyda'i hen gyflogwyr troseddol, ac o'r diwedd daw Faith i wybod y gwir am ddiflaniad ei gŵr.

Cyfeiriadau[golygu | golygu cod y dudalen]

  1. Gwobrau BAFTA Cymru 2018 – yr enillwyr , Golwg360, 15 Hydref 2018.
  2. Lleoli drama ddirgelwch newydd yn Sir Gaerfyrddin , Golwg360, 14 Ebrill 2017. Cyrchwyd ar 11 Tachwedd 2017.
  3.  Filming starts on new joint BBC Wales and S4C drama series. BBC Wales (13 Ebrill 2017). Adalwyd ar 8 Tachwedd 2017.
  4.  Ail gyfres Un Bore Mercher/ Keeping Faith mewn cynhyrchiad. S4C (4 Hydref 2018).
  5.  S4C - un bore mercher. S4C. Adalwyd ar 7 Tachwedd 2017.
  6. Ffigyrau gan S4C. Gweler [1], Ffigyrau Gwylio S4C.

Dolenni allanol[golygu | golygu cod y dudalen]