Rhian Morgan

Oddi ar Wicipedia
Jump to navigation Jump to search

Actores a digrifwraig Cymraeg yw Rhian Morgan. Ganwyd hi yng Nghwm Tawe.

Gyrfa[golygu | golygu cod y dudalen]

Astudiodd Rhian ddrama ym Mhrifysgol Aberystwyth lle cafodd ei dylanwadu gan y diweddar Emily Davies.[1] Fe roedd hi'n byw a gweithio yng Nghaerdydd am gyfnod, ond mae nawr yn byw yn Llandeilo. Mae'n fam i ddau fachgen ac yn briod gyda'r cyflwynydd Aled Samuel.

Daeth yn adnabyddus yn yr 1980au am y cymeriad Carol Gwyther yn Pobol y Cwm gan adael y gyfres yn 1990.[2][3] Ar ddechrau'r 1990au roedd yn un o'r perfformwyr ar y gyfres deledu ddychanol Pelydr X ar S4C.[4] Yn 2004 fe chwaraeodd rhan Val Vivaldi yn y gyfres ddrama deledu fer Mine all Mine, ysgrifennwyd gan Russell T. Davies, a ddarlledwyd ar ITV1.[3]

Yn 2014, enillodd wobr yr Actores Gorau yng Ngwobrau Beirniaid Theatr Cymru am ei rhan fel Eileen Beasley yng nghynhyrchiad Theatr Genedlaethol Cymru, Dyled Eileen.[5]

Roedd yn chwarae Gwen Lloyd yng nghyfres ddrama Gwaith/Cartref ar S4C ac yn 2015 enillodd wobr BAFTA Cymru am yr Actores Orau am ei rhan.[6]

Cyfeiriadau[golygu | golygu cod y dudalen]

Dolenni allanol[golygu | golygu cod y dudalen]