Leopold II, Ymerawdwr Glân Rhufeinig

Leopold II, Ymerawdwr Glân Rhufeinig
Leopold II, Ymerawdwr Glân Rhufeinig
Ganwyd	5 Mai 1747 ; Fienna
Bu farw	1 Mawrth 1792 ; Fienna
Dinasyddiaeth	yr Ymerodraeth Lân Rufeinig
Swydd	Ymerawdwr Glân Rhufeinig, brenin Hwngari
Priod	Maria Luisa o Sbaen
Plant	Albrecht Johann Joseph Erzherzog von Österreich, Maximilian Johann Joseph Erzherzog von Österreich
Llinach	Tŷ Hapsbwrg-Lorraine
Gwobr/au	Marchog Urdd y Cnu Aur, Order of Saint Stephen
llofnod

Uchelwr o Dŷ Hapsbwrg oedd Leopold II (5 Mai 1747 – 1 Mawrth 1792) a fu'n Ymerawdwr Glân Rhufeinig o 1790 i 1792.

Ganed yn Fienna, yn drydydd mab i Maria Theresa, Archdduges Awstria, a Ffransis I, Ymerawdwr Glân Rhufeinig. Olynodd Leopold ei dad yn Ddug Tysgani yn sgil ei farwolaeth ym 1765, pryd daeth ei frawd hynaf yn Joseff II, Ymerawdwr Glân Rhufeinig. Dylanwadwyd ar Leopold gan syniadau'r Oleuedigaeth ac yn ystod ei gyfnod hir yn llywodraethu Tysgani fe ddiwygiodd y cyfundrefnau treth a thariff ac anogodd datblygiad sefydliadau i gynrychioli'r bobl.^[1]

Wedi marwolaeth Joseff II yn Chwefror 1790, daeth Leopold yn Archddug Awstria, Brenin Hwngari a Chroatia, a Brenin Bohemia. Ym Medi 1790 fe'i etholwyd yn Ymerawdwr Glân Rhufeinig ac aeth ati i ddadsefydlu'r wladwriaeth ganoledig a ffurfiwyd gan Joseff II yn y Frenhiniaeth Hapsbwrgaidd. Yn sgil y Chwyldro Ffrengig (1789), penderfynodd Leopold barhau â pholisïau Joseff o ryddfreinio'r werin a pharchu rhyddid y rhai nad oedd yn Gatholigion i addoli. Yn Awst 1791, fodd bynnag, ymunodd Leopold â Ffredrig Wiliam II, brenin Prwsia, i wrthwynebu'r chwyldro yn Natganiad Pillnitz, gan alw ar arweinwyr Ewrop i achub y frenhiniaeth yn Ffrainc. Roedd brenhines olaf Ffrainc, Marie Antoinette, yn chwaer i Leopold. Yn ei fisoedd olaf bu Leopold yn sicrhau cynghrair milwrol rhwng Awstria a Phrwsia. Bu farw yn sydyn yn Fienna yn 44 oed a fe'i olynwyd gan ei fab Ffransis II, Ymerawdwr Glân Rhufeinig.^[1] Deunaw mis wedi marwolaeth Leopold, dienyddiwyd ei chwaer Marie Antoinette.

Cyfeiriadau

↑ ^1.0 ^1.1 (Saesneg) Leopold II (Holy Roman emperor). Encyclopædia Britannica. Adalwyd ar 28 Ebrill 2020.

Rhagflaenydd: Joseff II	Ymerawdwr Glân Rhufeinig 1790 – 1792	Olynydd: Ffransis II

[EB-1] 1.0 ^1.1 (Saesneg) Leopold II (Holy Roman emperor). Encyclopædia Britannica. Adalwyd ar 28 Ebrill 2020.

[1]

v t e Ymerodron Glân Rhufeinig
Yr Ymerodraeth Garolingaidd (800–888) a Dwyrain Ffrancia (843–962)	Siarl I (800–814) Louis I (814–840) Lothair I (860–855) Louis II (855–875) Siarl II (875–877) Siarl III (881–887) Guido (891–894) Lambert (894–898) Arnulf (896–899) Louis III (901–905) Berengar (915–924)
Yr Ymerodraeth Lân Rufeinig (962–1806)	Otto I (962–973) Otto II (973–983) Otto III (996–1002) Harri II (1014–24) Conrad II (1027–39) Harri III (1046–56) Harri IV (1084–1105) Harri V (1111–25) Lothair III (1133–37) Ffredrig I (1155–90) Harri VI (1191–97) Otto IV (1209–15) Ffredrig II (1220–50) Harri VII (1312–13) Louis IV (1328–47) Siarl IV (1355–78) Sigismund (1410–37) Ffredrig III (1452–93) Maximilian I (1508–19) Siarl V (1530–56) Ferdinand I (1556–64) Maximilian II (1564–76) Rudolf II (1576–1612) Matthias (1612–19) Ferdinand II (1619–37) Ferdinand III (1637–57) Leopold I (1658–1705) Joseff I (1705–11) Siarl VI (1711–40) Siarl VII (1742–45) Ffransis I (1745–65) Joseff II (1765–90) Leopold II (1790–92) Ffransis II (1792–1806)
Categori