Neidio i'r cynnwys

Siân Lloyd

Oddi ar Wicipedia
Mae'r erthygl hon yn sôn am y cyflwynydd tywydd. Am y cyflwynydd a gohebydd newyddion, gweler Sian Lloyd (cyflwynydd newyddion).
Siân Lloyd
GanwydSiân Mary Lloyd Edit this on Wikidata
3 Gorffennaf 1958 Edit this on Wikidata
Maesteg Edit this on Wikidata
DinasyddiaethBaner Cymru Cymru
Alma mater
Galwedigaethcyflwynydd teledu Edit this on Wikidata
PartnerLembit Öpik Edit this on Wikidata
Gwefanhttp://www.tvweathergirl.com/ Edit this on Wikidata

Cyflwynydd teledu a meteorolegydd o Gymru yw Siân Lloyd (ganed 3 Gorffennaf 1958).[1] Hi yw'r cyflwynydd tywydd benywaidd hiraf yn ei swydd yn y Deyrnas Unedig, ar ôl ymddangos ar Dywydd ITV am 24 mlynedd, o 1990 hyd 2014.[2]

Bywgraffiad

[golygu | golygu cod]

Ganwyd Siân ym Maesteg, Morgannwg, yn ferch i  athrawon. Mynychodd Ysgol Gyfun Ystalyfera,[3] ac yn 1975 perfformiodd yn Eisteddfod Genedlaethol yr Urdd ble enillodd y Goron.[4] Graddiodd gydag anrhydedd dosbarth cyntaf o Goleg y Brifysgol, Caerdydd (nawr Prifysgol Caerdydd), cyn mynd ymlaen i Goleg yr Iesu, Rhydychen lle y dechreuodd weithio ar gyfer gradd ôl-raddedig B. Litt. mewn Astudiaethau Celtaidd, ond gadawodd ar ôl blwyddyn heb raddio.[5] Mae ganddi gymwysterau meteoroleg gan Goleg y Swyddfa Dywydd, ac yn aml yn ymddangos mewn rhaglenni dogfen am y tywydd.

Cychwynnodd Siân ei gyrfa ym maes y cyfryngau fel ymchwilydd ar gyfer y rhaglen newyddion nosweithiol BBC Wales Today, wedi ymateb i hysbyseb yn nhudalennau cyfryngau The Guardian.[6] Yna daeth yn gyhoeddwr rhaglenni ar y sgrîn ar gyfer S4C. Yn ystod dangosiad cyntaf y ffilm The Avengers roedd hi'n gwisgo catsuit croen-dynn du, ac enillodd wobr am y wisg orau.[7]

Tra oedd yn gweithio i Worldwide Television News yn Llundain, gofynnwyd iddi weithio gyda'r Swyddfa Dywydd ar raglenni dogfen am y tywydd. Yna fe wnaeth prawf sgrin ar gyfer y Tywydd ITV yn 1990 a churodd 200 o bobl i'r swydd. Enillodd Sian y wobr am y cyflwynydd tywydd gorau ar deledu gan Glwb Diwydiannau Teledu a Radio yn 2005 a 2007.[8] Am gyfnod, roedd hi hefyd yn cyflwyno rhagolygon y tywydd ar ITV News London. Ym mis Chwefror 2014, gadawodd ei swydd yn ITV i "ganlyn cyfleoedd newydd".[2]

Yn falch o fod yn Gymraes tra'n byw yn Llundain, sefydlodd y clwb cymdeithasol SWS ("Social, Welsh and Sexy") yn y Groucho Club mewn partneriaeth a'r diddanwr Stifyn Parri. Mae Bryn Terfel a Siân Phillips yn noddwyr.

Yn 2007, enillodd Siân wobr "Pen-ôl y Flwyddyn", gan ei gwneud y fenyw hynaf i ennill y teitl. Serennodd hefyd fel y seleb 'cudd' enwog mewn pennod o sioe CBBC  Hider in the House. Bu Siân hefyd yn cefnogi Cymdeithas Sense-National Deafblind a Rwbela, ac yn 2007 roedd yn bresennol yn y lansiad ymgyrch Fill in the Gaps.[9]

Ym mis Mawrth 2008, cyhoeddodd Siân ei hunangofiant, dan y teitl A Funny Kind of Love.[10]

Yng ngwanwyn 2010, cyflwynodd Siân y gyfres gyntaf o 'The Great Cake Bake' ar Wedding TV.

Ymddangosodd Siân yn sioe realaeth ITV I'm a Celebrity... Get Me out of Here!, ond hi oedd y seleb cyntaf i'w gael eu harddel gan bleidlais y cyhoedd. Cymerodd ran yn fersiwn enwogion y sioe deledu Total Wipeout a ddarlledwyd ar 18 Medi 2010.

Bywyd personol

[golygu | golygu cod]

Tra ym Mhrifysgol Caerdydd, cyfarfu Mark Cavendish, perthynas i Ddug a Duges Dyfnaint ac yn awr yn ddyn busnes. Roeddent gyda'i gilydd am 14 o flynyddoedd, ac yn aml yn ymweld â sedd y teulu yn Chatsworth House.

O 2002 bu Siân mewn perthynas â Lembit Öpik, yr AS ar gyfer Sir Drefaldwyn, ac roedd wedi dyweddio iddo o 2004 i fis Hydref 2006. Roeddent yn byw mewn tŷ a brynwyd gyda'i gilydd yn etholaeth Öpik tu allan i'r Drenewydd, Powys, ac roeddent i fod i briodi yn 2006. Cyfarfu'r ddau mewn sesiwn yng nghynhadledd y Democratiaid Rhyddfrydol lle'r oedd y wasg yn cwrdd ag ASau, lle cafodd y ddwy sgwrs ac fe gollodd Siân fodrwy. Daeth Öpik o hyd iddo, ac yna ei golli ei hun, ac yna dod o hyd eto dwy flynedd yn ddiweddarach, gan ei galw hi, roedd ganddi docyn sbâr i fynd i'r Proms, ac wedi hynny cychwynnodd y berthynas.[11][12] Ymddangosodd gyda Öpik ar Celebrity Who Wants To Be A Millionaire?  ar 15 Ebrill 2006, gan ennill £64,000 ar gyfer elusen. Mae hi wedi datgan ei bod yn un o gefnogwyr Plaid Cymru[13] Ym mis Rhagfyr 2006 datgelwyd bod berthynas wedi dod i ben.[14]

Cyfarfu Siân yr entrepreneur rasio modur rasio Jonathan Ashman mewn parti Dydd Gŵyl Dewi yn 2007 a gynhaliwyd gan Ysgrifennydd Gwladol Cymru, Peter Hain ym Mhalas San Steffan. Gofynnodd Ashman i'w phriod ym mis Rhagfyr 2007, ar wyliau, wrth droed Mount Kilimanjaro yn Tanzania.[15] Priododd y cwpl ar 30 Rhagfyr 2007 yng Ngwesty Portmeirion yng Ngwynedd.[16]

Gyrfa

[golygu | golygu cod]
  • Cardiff Broadcasting Company (1980-2)
  • BBC Wales Today, ymchwilydd (1982-84)
  • Bwrdd Datblygu Cymru Wledig, swyddog y wasg (1984-86)
  • S4C, cyhoeddwr (1986-88)
  • Worldwide TV News (1988-90)
  • Tywydd ITV (1990-2014)
  • Cyflwynydd How 2 (1997)
  • The Apprentice UK (Ymddangosiad byr, mewn hysbysebion ymgyrch;[17] 2008)
  • Yswiriant Car Churchill fel y wraig yn bwydo selsig i'r ci.[18]

Cyfeiriadau

[golygu | golygu cod]
  1. ↑ "Siân Lloyd proud to be Welsh". Daily Post. 8 August 2009. Cyrchwyd 2 July 2015.
  2. ↑ 2.0 2.1 Why has Sian Lloyd left ITV?
  3. ↑ Quine, Oscar (17 Hydref 2014). "'Never fear what other people think of you,' Sian Lloyd tells pupils". The Independent. Cyrchwyd 1 Ionawr 2015.
  4. ↑ Williams, Iolo Wyn (2003). Our Children's Language: The Welsh-medium Schools of Wales 1939-2000. Talybont: Y Lolfa. t. 137. ISBN 0 86243 704 0. Cyrchwyd 1 Ionawr 2015.
  5. ↑ Sale, Jonathan (10 May 2007). "I'm the world's best crammer". The Independent (at Findarticles.com). Cyrchwyd 22 Gorffennaf 2008.
  6. ↑ British Broadcasting Corporation. "BBC Online – Just the Job – Take it from me". Bbc.co.uk. Cyrchwyd 2 Chwefror 2011.
  7. ↑ "MY PAP PICS: SIAN LLOYD: 'I never wanted to be a weathergirl'". Sunday Mirror. 14 November 2004. Archifwyd o'r gwreiddiol ar 2006-03-26. Cyrchwyd 2016-05-06.
  8. ↑ The UK loves Sian Lloyd – official!:southwalesonline.net Archived 29 Medi 2007 at the Wayback Machine.
  9. ↑ [1] Archived 22 Ebrill 2009 at the Wayback Machine.
  10. ↑ A Funny Kind of Love, 2008, ISBN 978-1-84454-531-5
  11. ↑ "Showbiz". This is London. Cyrchwyd 2 Chwefror 2011.[dolen farw]
  12. ↑ Wales on Sunday (2 Mai 2004). "Sian and Lembit to wed – icWales". Icwales.icnetwork.co.uk. Cyrchwyd 2 Chwefror 2011.
  13. ↑ [2][dolen farw]
  14. ↑ "Opik and presenter Lloyd separate". BBC News. 17 Rhagfyr 2006. Cyrchwyd 23 Mai 2010.
  15. ↑ TV presenter Siân Lloyd to wed millionaire IC Wales
  16. ↑ Sian's Welsh winter wedding: Weathergirl ties the knot after whirlwind romance, Daily Mail, 2 Ionawr 2008
  17. ↑ Renaissance's "I Love My Tissues" advert at YouTube
  18. ↑ "Churchill dog returns with Sian Lloyd in WCRS ad". Campaign Livewebsite. Haymarket. 30 Mehefin 2008. Cyrchwyd 7 May 2009.
Wedi dod o "https://cy.wikipedia.org/w/index.php?title=Siân_Lloyd&oldid=13341899"