Sian Lloyd (cyflwynydd newyddion)

Oddi ar Wicipedia
Jump to navigation Jump to search
Sian Lloyd
Ganwyd Sian Lloyd
1972
Bangor, Gwynedd
Cenedl Cymraes
Gwaith Cyfreithiwr, newyddiadurwr, cyflwynydd
Cydnabyddiaethau nodedig BBC Wales
BBC Wales Today
BBC News
Plant un mab

Newyddiadurwraig a chyflwynydd Cymreig yw Sian Lloyd (ganwyd 1972) sydd ar hyn o bryd yn gweithio ar gyfer BBC News fel eu Gohebydd Canolbarth Lloegr.

Bywyd cynnar[golygu | golygu cod y dudalen]

Ganwyd ym Mangor, Gwynedd,[1] ac roedd teulu ei thad yn dod o Gricieth, lle treuliodd y rhan fwyaf o'i hafau. Magwyd Lloyd yn Wrecsam, yn siarad Cymraeg a Saesneg ac mae'n rhugl yn Ffrangeg.[2] Roedd ganddi swydd penwythnos yn ei harddegau yn Nhŷ Erddig yr Ymddiriedolaeth Genedlaethol. Astudiodd Lloyd am radd LLB yn y gyfraith yn Ysgol Y Gyfraith, Caer oedd ar y pryd yn gysylltiedig â Phrifysgol Caerlŷr, gan raddio yn 1993.

Gyrfa[golygu | golygu cod y dudalen]

Hyfforddodd Sian fel cyfreithiwr gyda Lovell White Durrant yn Llundain a Hong Kong.[2]

Cychwynnodd ei gyrfa yn 1996 fel newyddiadurwr yng ngogledd Cymru fel gohebydd i BBC Cymru, ac yna, ar ôl symud i Gaerdydd aeth ymlaen i gyflwyno Good Evening Wales ar y radio, ac yna BBC Wales Today ar y teledu.[2]

Mae Sian wedi cymryd rhan mewn llawer o raglenni teledu Cymraeg S4C, gan gynnwys: her goginio Dudley: Pryd o Sêr; sioe siarad comedi Sioe Tudur Owen; rhaglen gylchgrawn Heno; a'r rhaglen i ddysgwyr Cymraeg Hwb. Roedd Sian yn rhan o dîm cyflwyno BBC Cymru ar gyfer Eisteddfod Genedlaethol Cymru 2011, ac mae wedi bod yn feirniad yng nghystadleuaeth Dysgwr y Flwyddyn 2012.[2]

Mae Sian yn gweithio ar gyfer BBC News fel gohebydd Canolbarth Lloegr.[2] Fel rhan o'i rôl gohebydd, mae Lloyd yn cyfrannu'n rheolaidd i raglen Crimewatch y BBC. Ers i nifer o raglenni'r BBC symud i MediaCityUK yn Salford Quays, Manceinion yn 2012, mae Sian wedi bod yn gyflwynydd cyflenwol rheolaidd ar raglen BBC Breakfast.

Bywyd personol[golygu | golygu cod y dudalen]

Mae Sian yn byw yng Nghaerdydd gyda'i gŵr a'i mab.[3]

Mae Sian yn cefnogi Ymddiriedolaeth y Tywysog a Gwobr Dug Caeredin, ac yn llysgennad ar gyfer Gofal Hosbis George Thomas.[2]

Cyfeiriadau[golygu | golygu cod y dudalen]