Llyfrgell Genedlaethol Cymru

Oddi ar Wicipedia
Neidio i: llywio, chwilio
Blaen adeilad Llyfrgell Genedlaethol Cymru

Llyfrgell adnau cyfreithiol Cymru yw'r Llyfrgell Genedlaethol Cymru, sydd wedi ei lleoli yn Aberystwyth. Mae ganddi gyfrifoldeb dros gasglu deunydd print, ffotograffau, mapiau, lluniau, llawysgrifau, CD-ROMau ac archifau gyda phwyslais arbennig ar ddeunydd Cymreig a Cheltaidd.

Sefydlwyd y Llyfrgell yn 1907 wedi ymgyrch hir a phoblogaidd a gychwynwyd yn Eisteddfod Genedlaethol Yr Wyddgrug 1873.

Cedwir rhai o'r llawysgrifau Cymreig pwysicaf yn Adran Llawysgrifau a Chofysgrifau'r llyfrgell, gan gynnwys Llyfr Du Caerfyrddin, Llyfr Taliesin, Llyfr Gwyn Rhydderch, Y Llyfr Du o'r Waun a Llawysgrif Hendregadredd. Yr oedd nifer o'r llawysgrifau hyn yn rhodd i'r llyfrgell newydd gan Syr John Williams yn 1909. Defnyddiwyd yr adeilad am y tro cyntaf ym 1916.

Yn ogystal â'r casgliadau uchod, lleolir yr Archif Wleidyddol Cymreig[1] ac Archif Genedlaethol Sgrîn a Sain Cymru yno hefyd.[2]

Mae'r Llyfrgell ar agor chwe diwrnod yr wythnos ac mae mynediad i'r holl arddangosfeydd am ddim. Gellir gweld nifer o gasgliadau diddorol y Llyfrgell ar eu gwefan o dan y pennawd 'Trysorau'.[3]

Cyhoeddwyd llawer o ddeunyddiau ar y we. Ar hyn o bryd mae prosiect Cylchgronau Cymru[4] yn digideiddio 50 o gyfnodolion am Gymru, ar gael am ddim i bawb, sy'n cynnwys Y Cofiadur, Y Fflam a'r cylchgrawn Heddiw. Felly hefyd gyfraniad hen ffotograffau o'r Llyfrgell ar Wicipedia.

Ar 26 Ebrill 2013, cafwyd tân yn atic estyniad y Llyfrgell newydd.[5] Gwacawyd yr holl staff o'r adeilad a bu'r frigad dân wrthi'n ddyfal yn diffodd y tân.

Prif lyfrgellwyr[golygu]

Cyfeiriadau[golygu]

Dolenni allanol[golygu]

Flag of Wales 2.svg Eginyn erthygl sydd uchod am Gymru. Gallwch helpu Wicipedia drwy ychwanegu ato