David Jenkins (llyfrgellydd)

Llyfrgellydd ac ysgolhaig Cymreig oedd David Jenkins (29 Mai 1912 – 6 Mawrth 2002). Fe'i cofir fel awdur bywgraffiad cofiant i'w gyfaill T. Gwynn Jones.

Roedd yn frodor o Flaenclydach yn y Rhondda. Symudodd gyda'r teulu, yn hogyn ysgol, i Geredigion. Ar ôl graddio o Goleg Prifysgol Cymru, Aberystwyth, lle roedd yn un o fyfyrwyr olaf T. Gwynn Jones, fe'i penodwyd i staff Llyfrgell Genedlaethol Cymru. Bu'n Brif Lyfrgellydd yno o 1969 hyd ei ymddeoliad yn 1979. Yn 1971 cafodd ei wneud yn Athro Cymrodorol Anrhydeddus yn ei hen goleg.

Llyfryddiaeth

• Thomas Gwynn Jones. Cofiant. (Gwasg Gee, 1973)
• (gol.), Erthyglau ac Ysgrifau Llenyddol Kate Roberts (1978)
• (gol.), Bro a Bywyd T. Gwynn Jones (1984)

Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.