Siwan (drama)

Oddi ar Wicipedia
Jump to navigation Jump to search
Siwan gan R Owain.jpg
Clawr 'Siwan' - rhifyn CBAC, 2000
Data cyffredinol
Teitl '''''
Awdur Saunders Lewis
Cyhoeddwr Llyfrau'r Dryw
Gwlad Cymru
Iaith Cymraeg
Genre Drama
Dynodwyr

Drama fydryddol gan Saunders Lewis yw Siwan, sydd wedi ei seilio ar y cymeriad hanesyddol Siwan, gwraig Llywelyn Fawr. Lleolir y ddrama yn Abergwyngregin, ar arfordir gogleddol Gwynedd. Ysgrifennodd Saunders y ddrama Siwan yn 1954 a chafodd ei chyhoeddi yn 1956, ac mae'r ddrama yn un o'r clasuron Cymraeg.

Yn y ddrama, canfyddir Siwan a'i chariad Gwilym Brewys (William de Braose) gan ei gŵr sef y Tywysog Llywelyn Fawr. Mae'n crogi Gwilym, cosb a roddir fel arfer i ladron. Mae'r weithred hon yn gwneud gosodiad tra phwysig a heriol gan fod Llywelyn wrth wneud hyn yn tynnu holl rym Lloegr ar ei ben. Ar yr un pryd, mae'r weithred yn dyrchafu Llywelyn i awdurdod brenin eofn a chadarn.

Addaswyd y ddrama gan Robin Llwyd ab Owain ar gyfer disgyblion uwchradd (Cyhoeddwyd gan CBAC; ISBN 1 86085 4117; Mawrth 2000). Mae'r ddrama yn rhan o faes llafur Lefel A ers rai blynyddoedd.

"Siwan ydy'r ebychiad sicr cyntaf mae Saunders Lewis yn ei wneud," ebe Bobi Jones. Cyfrifir Siwan a Blodeuwedd fel clasuron y ddrama Gymraeg.[1]

Dyfyniadau[golygu | golygu cod y dudalen]

Wikiquote
Mae gan Wikiquote gasgliad o ddyfyniadau sy'n berthnasol i:
  • Nid ofni'r gwir, ond ofni, hwyrach ei glywed. (Siwan )
  • Mae syllu i lygad amser
yn gychwyn gwallgofrwydd.
Mewn amser mae amser i bopeth. (Siwan)
  • Does neb erioed â gydymdeimlodd â phoen. (Alis)
  • Seremoni yw byw i deulu brenhinol. (Llywelyn)
  • Mae pawb yn newid, mae hyd yn oed atgofion yn newid. (Llywelyn)
  • Dechrau nabod ei gilydd mae pob gŵr a gwraig, boed bythefnos
neu ugain mlynedd. (Llywelyn)
  • Rhodd enbyd yw bywyd i bawb. (Llywelyn)

Gweler hefyd[golygu | golygu cod y dudalen]

Cyfeiriadau[golygu | golygu cod y dudalen]