John Gibson (cerflunydd)
| John Gibson | |
|---|---|
.jpg) | |
| Ganwyd | 19 Mehefin 1790  Conwy |
| Bu farw | 27 Ionawr 1866 Rhufain |
| Dinasyddiaeth |  Cymru |
| Galwedigaeth | arlunydd, cerflunydd |
Cerflunydd Fictorianaidd o Gymru oedd John Gibson (bed. 19 Mehefin 1790; marw 27 Ionawr 1866), a anwyd yn Nhŷ Capel Forddlas, Llansanffraid Glan Conwy, ac a magwyd yn y Gyffin, ger Conwy. Astudiodd yn Rhufain gyda'r meistr Antonio Canova.[1][2] Ymhlith ei waith mwyaf nodedig y mae cerflun o Robert Peel a welir yn Abaty Westminster, un o William Huskisson yn Pimlico, Llundain, ac un o'r Frenhines Victoria yn Mhalas San Steffan.
Penderfynnodd y teulu symud i America, pan oedd yn 9 oed; wedi cyrraedd Lerpwl, fodd bynnag, penderfynnwyd bwrw angor yn y dref honno.[3] Yno, prentisiodd gyda chwmni dodrefn cyn symud i ddysgu sut i greu cerfluniau allan o farmor, gyda'r Meistri Francis. Daeth i gysylltiad â rhai o gerflunwyr mawr ei gyfnod wedi iddo symud i Lundain yn 1817. Bu'r hanesydd William Roscoe yn noddwr iddo am flynyddoedd; priododd ŵyres Roscoe â Henry Sandbach, o Hafodunos, Abergele, a bu hi a Gibson yn ffrindiau oes.
Ym Hydref 1817 symudodd i Rufain i weithio yng ngweithdy y cerflunydd Eidalaidd enwog Antonio Canova, efallai'r cerflunydd neo-glasurol mwyaf. Roedd ei gerfluniau i gyd yn yr arddull Glasurol, a cheisiodd Gibson atgyfodi'r arfer o beintio cerfluniau marmor gyda lliwiau llachar fel y gwnaeth y Groegiaid hynafol. Ef oedd hoff gerflunydd y Frenhines Victoria. Mae 10 o'i gerfluniau i'w gweld yn Academi Frenhinol y Celfyddydau yn Llundain a phump yn yr Amgueddfa Genedlaethol yng Nghaerdydd.
Bu Gibson yn byw am gyfnod hir fel oedolyn yn Rhufain gyda’i bartner, yr arlunydd o Gymro, Penry Williams. Roedd ei waith enwocaf The Tinted Venus wedi achosi dadlau pan gafodd ei arddangos gyntaf. Gellir ei weld yn awr yn Oriel Gelf Walker yn Lerpwl.
Oriel
[golygu | golygu cod]-
The Tinted Venus -
The Tinted Venus -
Aurora -
Y Duw Mawrth gyda Ciwpid -
Love Cherishing the Soul.. yn Walker Art Gallery, Lerpwl.
_-_The_Tinted_Venus_(1862)_upper_front,_Walker_Art_Gallery,_Liverpool,_May_2012.png)
_-_Love_Cherishing_the_Soul_while_Preparing_to_Torment_it_(1837-39),_front_2_-_Walker_Art_Gallery,_Liverpool,_May_2012_(7238004020).png)
Cyfeiriadau
[golygu | golygu cod]- ↑ Irwin, David, "Antonio Canova, marchese d'Ischia | Italian sculptor", Britannica.com, cyrchwyd 1 Ebrill 2017
- ↑ "Canòva, Antonio nell'Enciclopedia Treccani", Treccani.it, cyrchwyd 1 Ebrill 2017
- ↑ Ellis, M., (1953). GIBSON, JOHN (1790-1866), R.A., cerflunydd. Y Bywgraffiadur Cymreig. Adferwyd 13 Meh 2022, o https://bywgraffiadur.cymru/article/c-GIBS-JOH-1790; adalwyd 13 Mehefin 2022
Dolenni allanol
[golygu | golygu cod]
Cyfryngau perthnasol John Gibson (cerflunydd) ar Gomin Wicimedia
