Gorsaf Ofod Ryngwladol

Oddi ar Wicipedia
Neidio i: llywio, chwilio
Y gofodwr Tracy Caldwell Dyson yn Cupola ISS

Gorsaf Ofod Ryngwladol (International Space Station) yw enw'r unig orsaf ofod sydd yn y gofod heddiw. Lloeren artiffisial ydyw wedi'i llunio ar ffurf nifer o fodiwlau a gellir ei gweld yn y cyfnos gyda'r llygad noeth; dyma'r gwrthrych artiffisial mwyaf sy'n cylchu'r Ddaear. Mae llawer o wledydd wedi cyd-weithio er mwyn adeiladu'r orsaf, gan gynnwys Rwsia gyda'i roced Proton a Soyuz, yr Unol Daleithiau gyda'r wennol ofod, Siapan, Canada, a'r gwledydd sy'n aelodau o'r ESA (Sefydliad Gofod Ewropeaidd (European Space Agency).[1]

Lansiwyd y modiwl cyntaf yn 1998. Mae'r ISS, fel y caiff ei hadnabod, yn cynnwys elfen fechan o ddisgyrchiant a'i phwrpas yw caniatáu i ofodwyr oddi mewn iddi gynnal arbrofion mewn bioleg, bioleg dynol, ffiseg, seryddiaeth, meteroroleg a meysydd eraill.[2][3]

Profodd y gwaith ymchwil hyd yma fod effaith tymor hir byw mewn man heb ddisgyrchiant yn gwanhau cyrff y gofodwyr: atroffi'r cyhyrau a lleihau'r esgyrn er enghraifft. Bydd canlyniadau'r gwaith ymchwil a'r holl ddata'n cael eu defnyddio i benderfynnu a yw byw ar roced heb ddisgyrchiant ar daith tymor hir (e.e. taith 6-mis i'r Blaned Mawrth) yn bosibl. Hyd yma, canfyddwyd fod cryn risg i'r gofodwr gyda thorri esgyrn a chyfyngiadau o ran symud y corff yn debygol.[4][5]

Cyfeiriadau[golygu | golygu cod y dudalen]

  1. ["Central Research Institute for Machine Building (FGUP TSNIIMASH) Control of manned and unmanned space vehicles from Mission Control Centre Moscow". Asiantaeth Ffedral y Gofod, Rwsia. Adalwyd 5 Mawrth 2015
  2. "International Space Station Overview". ShuttlePressKit.com. 3 Mehefin 1999. http://www.shuttlepresskit.com/ISS_OVR/index.htm. Adalwyd 17 Chwefror 2009.
  3. "Fields of Research". NASA. 26 Mehefin 2007. Archifwyd from y gwreiddiol on 25 Mawrth 2008. http://web.archive.org/web/20080123150641/http://pdlprod3.hosc.msfc.nasa.gov/A-fieldsresearch/index.html.
  4. Jay Buckey (23 Chwefror 2006). Space Physiology. Oxford University Press USA. ISBN 978-0-19-513725-5. http://www.amazon.co.uk/dp/0195137256.
  5. List Grossman (24 July 2009). "Ion engine could one day power 39-day trips to Mars". New Scientist. http://www.newscientist.com/article/dn17476-ion-engine-could-one-day-power-39day-trips-to-mars.html?full=true. Adalwyd 8 January 2010.
Saturn template.svg Eginyn erthygl sydd uchod am seryddiaeth. Gallwch helpu Wicipedia drwy ychwanegu ato.