Asiantaeth Ofod Ewropeaidd

Oddi ar Wicipedia
Neidio i: llywio, chwilio
Logo'r Asiantaeth Ofod Ewropeaidd

Mae'r Asiantaeth Ofod Ewropeaidd (ESA), a sefydlwyd ym 1975, yn sefydliad rhynglywodraethol sy'n ymroddedig i fforio'r gofod. Mae ganddi 18 aelod, gweithlu o 2,000 o bobl a chyllid blynyddol o ryw €3.6 biliwn. Lleolir ei phencadlys ym Mharis.

Mae rhaglen ESA o ehediadau i'r gofod yn cynnwys ehediadau â dynion, yn bennaf trwy gymryd rhan yn rhaglen yr Orsaf Ofod Ryngwladol, lansio teithiau fforio di-griw i blanedau eraill a'r Lleuad, arsylwadau o'r Ddaear, gwyddoniaeth, thelathrebu, yn ogystal â maentumio maes rocedi, sef Canolfan Ofod Guyane ger Kourou, Guyane, a dyluno cerbydau lansio. Prif gerbyd lansio ESA yw'r Ariane 5, sy'n cael ei redeg gan Arianespace gydag ESA yn rhannu cost y lansiadau a datblygu'r cerbyd yn bellach.