Ceri Wyn Jones

Oddi ar Wicipedia
Jump to navigation Jump to search
Ceri Wyn Jones
Ceri Wyn Jones.jpg
Geni Ceri Wyn Jones
Rhagfyr 1967 (age 53)
Welwyn Garden City, Swydd Hertford, Lloegr
Galwedigaeth Bardd
Addysg Ysgol Uwchradd Aberteifi, Prifysgol Aberystwyth
Gwaith nodedig Byd Llawn Hud, Dwli o Ddifri, Dauwynebog
Gwobrau nodedig Cadair a Choron, Eisteddfod Genedlaethol Cymru
Priod Catrin
Plant Gruffudd, Ifan

Bardd Cymraeg ydy Ceri Wyn Jones (ganed 5 Rhagfyr 1967), sy'n adnabyddus am ennill Cadair a Choron, Eisteddfod Genedlaethol Cymru.

Bywgraffiad[golygu | golygu cod y dudalen]

Ganed yn Welwyn Garden City, Swydd Hertford a magwyd ef yno ac yn Aberteifi a Phen y Bryn yng ngogledd Sir Benfro. Mynychodd ysgolion cynradd Cilgerran ac Aberteifi, cyn mynd i Ysgol Uwchradd Aberteifi.

Dysgodd gynganeddu mewn cyfres o weithdai gyda T. Llew Jones pan oedd yn 17 oed. Ysgrifennodd Ceri Wyn Jones gyfres o englynion i T. Llew Jones i ddathlu ei benblwydd yn 90 oed.[1]

Graddiodd mewn Saesneg ym Mhrifysgol Aberystwyth cyn dechrau dysgu yn Ysgol Gyfun Dyffryn Teifi, Llandysul, lle bu'n bennaeth yr adran Saesneg am ddros degawd. Gadawodd byd addysg i ddilyn gyrfa fel golygydd gyda Gwasg Gomer yn 2002.[2]

Ef oedd Prifardd y Gadair, yn Eisteddfod Genedlaethol Y Bala, 1997, am ei awdl Gwaddol. Enillodd hefyd y Goron yn Eisteddfod Genedlaethol Y Bala, 2009 am gerddi ar y testun Yn y Gwaed, a oedd wedi eu cyflwyno i'w ewythr, y diweddar Barchedig Aled ap Gwynedd.[2]

Wedi ei gyfnod fel Bardd Plant Cymru o 2003 hyd 2004, cyhoeddodd y gyfrol Dwli o Ddifri i blant, a chyrhaeddodd honno restr fer Gwobr Tir Na-n Og yn 2005. Er na enillod y gyfrol hon y wobr, roedd Ceri hefyd wedi cyfrannu at y gyfrol fuddugol, sef Byd Llawn Hud. Yn 2007, ef oedd awdur geiriau cân fuddugol Cân i Gymru, sef Blwyddyn Mâs, a ganwyd ac a gyfansoddwyd gan Einir Dafydd. Cyrhaeddodd ei gyfrol gyntaf o gerddi, Dauwynebog, restr fer gwobr Llyfr y Flwyddyn yn 2008.[2]

Derbyniodd ysgoloriaeth gan yr Academi yn 2008, i ddechrau gwaith ar ail gyfrol o farddoniaeth.[2]

Yn 2012, cyhoeddwyd mai Ceri Wyn fyddai'n olynu Gerallt Lloyd Owen fel llywydd a meuryn Talwrn y Beirdd.[3]

Yn 2014, enillodd ei ail Gadair Genedalethol yn Eisteddfod Genedlaethol Sir Gâr am Awdl ar y thema Lloches. Bu cryn anghytuno rhwng Alan Llwyd a'i ddau gyd-feirniad Idris Reynolds a Llion Jones ynghylch teilyngdod y gerdd: y cyntaf yn ei beirniadu am gynnwys gormod o Saesneg a'r ddau arall yn gryf o'r farn fod y geiriau Saesneg yna i bwrpas ac yn rhan annatod o'r gerdd.[4]

Bywyd Personol[golygu | golygu cod y dudalen]

Mae Ceri Wyn yn briod â Catrin ac mae ganddynt ddau fab; Gruffudd ac Ifan.

Llyfryddiaeth[golygu | golygu cod y dudalen]

Cerddi a barddoniaeth[golygu | golygu cod y dudalen]

Rhyddiaith[golygu | golygu cod y dudalen]

Golygydd[golygu | golygu cod y dudalen]

Gwobrau ac anrhydeddau[golygu | golygu cod y dudalen]

Cyfeiriadau[golygu | golygu cod y dudalen]

  1. Llyfr y Flwyddyn. Gwefan y BBC. Adalwyd 12-07-2009
  2. 2.0 2.1 2.2 2.3  Rhestr Awduron Cymru: JONES, CERI WYN. Llenyddiaeth Cymru. Adalwyd ar 19 Awst 2011.
  3. [1]
  4. [2]

Dolenni allanol[golygu | golygu cod y dudalen]