Cariad@iaith
| Data cyffredinol | |
|---|---|
| Enghraifft o'r canlynol | rhaglen deledu  |
| Gwlad | y Deyrnas Unedig |
| Iaith wreiddiol | Cymraeg |
Comisiynwyd y rhaglen deledu cariad@iaith (hefyd: cariad@iaith:love4language) yn 2002 gan S4C wedi i'r cwmni teledu Fflic amlinellu syniadau a oedd yn cynnwys aelodau o'r cyhoedd a oedd yn dymuno dysgu Cymraeg ac a oedd ar gyrsiau 6-wythnos yng Canolfan Iaith Nant Gwrtheyrn.[1] Datblygwyd y cynllun hwn i fod yn gyfres o raglenni wythnos-gyfan a ddarlledwyd yn 2004, ble gwelwyd saith seren (Cymreig) o'r byd darlledu yn Nant Gwrtheyrn, yn ceisio dysgu'r iaith mewn wythnos: Janet Street-Porter, Ruth Madoc, Dame Tanni Grey-Thompson, Amy Wadge, Steve Strange, Bernard Latham a Jamie Shaw.[2]
Ar 8 Gorffennaf 2011 ail-lansiwyd y rhaglen ar ei newydd wedd, gyda Matt Johnson, Sophie Evans, Josie d'Arby, Colin Charvis, Helen Lederer, Rhys Hutchings, Melanie Walters a'r AS Lembit Öpik yn ceisio dysgu Cymraeg dan ofal y tiwtoriaid iaith Nia Parry ac Ioan Talfryn yn y gwersyll eco fforest yng ngorllewin Cymru.[3][4] Cafwyd cyfres o raglenni arbennig dros y Nadolig, yr un flwyddyn, wedi'i ffilmio yn Nhalacharn, Sir Gaerfyrddin.[5]
Ym Mai 2012 dychwelodd cariad@iaith:love4language gyda llond dwrn o ddysgwyr newydd: Alex Winters, Lisa Rogers, y tenor Wynne Evans, Lucy Owen, y chwaraewr rygbi Gareth Thomas, cyn-ymgeisydd y rhaglen X-Factor Lucie Jones a'r actorion Robert Pugh a Di Botcher.
Yn 2013 dychwelwyd i'r syniad o gael aelodau o'r cyhoedd. Yn 2014 cafwyd wyth seren arall, gan gynnwys Neville Southall, Behnaz Akhgar, Ian Watkins a Sam Evans. Ffilmiwyd cyfres 2015 yng Nghanolfan y Dechnoleg Amgen, Machynlleth ac fe'i darlledwyd ym Mehefin 2015. Ailwahoddwyd cyn-sêr i'r gyfres hon, gan gynnwys Chris Corcoran a Steve Speirs, gyda Nia Parry a Wynne Evans yn cyflwyno.
Cystadleuwyr[golygu | golygu cod y dudalen]
Ar-lein[golygu | golygu cod y dudalen]
Yn 2015 cyhoeddodd S4C y byddai'r gyfres ar gael ar-lein i bawb drwy'r byd.[6] Fodd bynnag, ni fydd y rhaglenni i'w gweld ar ôl 17 Gorffennaf.[7]
Cyfeiriadau[golygu | golygu cod y dudalen]
- ↑ Gwefan BBC Cymru; adalwyd 17 Mehefin 2015
- ↑ "I'm a celebrity... rwy'n dysgu Cymraeg*". BBC Wales. 5 Mawrth 2004. Cyrchwyd 13 Mai 2012.
- ↑ http://www.coldatnight.co.uk
- ↑ http://www.s4c.co.uk/e_press_level2.shtml?id=521
- ↑ www.thisissouthwales.co.uk; adalwyd 17 Mehefin 2015
- ↑ Gwefan S4C; adalwyd 17 Mehefin 2015
- ↑ golwg360; adalwyd 17 Mehefin 2015