Ruth Madoc

Oddi ar Wicipedia
Jump to navigation Jump to search
Ruth Madoc
Ganwyd 16 Ebrill 1943 Edit this on Wikidata
Norwich Edit this on Wikidata
Man preswyl Glyn-nedd Edit this on Wikidata
Dinasyddiaeth Baner Cymru Cymru
Alma mater
Galwedigaeth actor teledu, actor ffilm, Actor Edit this on Wikidata
Priod Philip Madoc Edit this on Wikidata
Gwefan http://www.ruthmadocofficial.co.uk/index.html Edit this on Wikidata

Actores a chantores yw Ruth Madoc (née Llewellyn) (ganwyd 16 Ebrill 1943). Mae'n fwyaf adnabyddus am ei rôl fel Gladys Pugh yng nghyfres gomedi teledu y BBC, Hi-de-Hi! yn ystod y 1980au er iddi ymddangos yn fwy diweddar fel mam Daffyd Thomas yn yr ail gyfres o Little Britain.

Bywyd cynnar[golygu | golygu cod y dudalen]

Ganwyd Ruth Llewellyn Norwich lle roedd eu rhieni yn gweithio yn y byd meddygol - ei mam yn nyrs a'i thad yn weinyddwr. Roedd ei rhieni yn rhy brysur gyda'i gwaith ar y pryd a felly magwyd Ruth gyda gan ei mamgu Etta Williams yn Llansamlet ger Abertawe.[1] Cychwynnodd weithio yn y theatr yn 16 oed a chafodd ysgoloriaeth i astudio yn RADA[2].

Gyrfa[golygu | golygu cod y dudalen]

Wedi gadael RADA gweithiodd yn The Black and White Minstrel Show. Chwaraeodd Madoc ran Fruma Sarah yn y fersiwn ffilm o'r sioe gerdd Fiddler on the Roof, ac ymddangosodd fel Mrs Dai Bread Two yn y ffilm Under Milk Wood. Bu'n westai rheolaidd hefyd ar rhaglen adloniant BBC Cymru Poems and Pints. Roedd hefyd yn lleisio un o'r creaduriaid o blaned arall yn hysbysebion Cadbury's ar gyfer cynnyrch 'Smash' yn ystod y 1970au.

Mae hi hefyd yn actores lwyfan brofiadol sydd wedi bod yn rhan o nifer o gynhyrchiadau gan gynnwys Under Milk Wood, Steel Magnolias, dramâu Agatha Christie (And Then There Were None...), a'r sioe gerdd Annie yn ogystal ag amryw berfformiadau mewn pantomeimiau.

Ymddangosodd hefyd ar sioe deledu realiti LivingTV I'm Famous and Frightened! ac enillodd y gystadleuaeth. Derbyniodd radd anrhydeddus hefyd o Brifysgol Abertawe ym mis Gorffennaf 2006.

Bywyd personol[golygu | golygu cod y dudalen]

Priododd yr actor Philip Madoc yn 1961. Cawsant fab, Rhys a merch, Lowri ond ysgarodd y ddau ohonynt yn 1981.

Ffilmiau[golygu | golygu cod y dudalen]

Teledu[golygu | golygu cod y dudalen]

  • New Scotland Yard (1972)
  • Leave it to Charlie (1979)
  • Hi-De-Hi (1980 - 1988)
  • The Life and Times of David Lloyd George (1981)
  • The Pale Horse (1997)
  • Mine All Mine (2004)
  • Little Britain (2004)

Cyfeiriadau[golygu | golygu cod y dudalen]

  1. "Ruth Madoc traces her family tree", WalesOnline, 27 Mawrth 2013.
  2. "Ruth Madoc" (yn Saesneg). Candis. Cyrchwyd 2013-09-24.