Nia Parry

Oddi ar Wicipedia
Neidio i: llywio, chwilio
Nia Parry ar glawr Gwenwch!

Cyflwynwraig, cynhyrchydd teledu a thiwtor iaith yw Nia Parry (ganwyd Awst 1973).

Bywyd cynnar ac addysg[golygu | golygu cod y dudalen]

Fe'i ganwyd ar Ynys Môn a fe'i magwyd yn Llandrillo-yn-Rhos.[1] Mynychodd Ysgol y Creuddyn, ac astudiodd Saesneg, Cymraeg a Ffrangeg ar gyfer Lefel A. Aeth ymlaen i wneud gradd yn y Gymraeg ym Mhrifysgol Cymru, Abertawe. Wedi graddio, aeth i deithio yn Nepal, India, De America, Yr Aifft, Israel a Thwrci. Bu'n gweithio fel tiwtor Saesneg yn Istanbul am naw mis cyn dychwelyd i Gymru i wneud PhD mewn Methodoleg Dysgu Ail Iaith, gan edrych yn benodol ar ddysgu Cymraeg ail-iaith i oedolion. [2]

Gyrfa[golygu | golygu cod y dudalen]

Aeth i weithio fel tiwtor Cymraeg yng Nghanolfan Cymraeg i Oedolion, Mhrifysgol Caerdydd. Yn 2000, cafodd gynnig waith fel cyflwynydd ar gyfres S4C Welsh in a Week. Yn dilyn chwe cyfres aeth ymlaen i gyflwyno fwy o raglenni ar gyfer dysgwyr yn cynnwys Cariad@iaith, lle roedd yn dysgu Cymraeg i amryw o enwogion, a Dal Ati.

Bu'n gyflwynydd ar y rhaglen Cwpwrdd Dillad a chyflwynodd o'r Sioe Frenhinol ar Y Sioe.

Mae wedi gweithio fel cynhyrchydd ar nifer o raglenni teledu yn cynnwys Cwpwrdd Dillad, 4 Wal, Tŷ Cymreig. Cynhyrchyddo y rhaglen Dau yn Un ym Mhatagonia a'r rhaglenni dogfen Martin Thomas a Bwrw Bol.[2]

Bywyd personol[golygu | golygu cod y dudalen]

Mae'n briod a'r cynhyrchydd teledu Aled Davies a mae ganddynt ddau o blant. Symudodd o Gaerdydd i Rhostryfan yn 2009.[1]

Llyfryddiaeth[golygu | golygu cod y dudalen]

Cyfeiriadau[golygu | golygu cod y dudalen]

  1. 1.0 1.1 Mark Thomas. Penny's People: Nia Parry - a wholesome star on a Welsh teaching mission (en) , 10 Hydref 2014. Cyrchwyd ar 30 Ebrill 2017.
  2. 2.0 2.1 (Saesneg) Nia Parry. Adalwyd ar 30 Ebrill 2017.

Dolenni allanol[golygu | golygu cod y dudalen]