Y Dydd Olaf

Oddi ar Wicipedia
Jump to navigation Jump to search
Ydyddolaf2.jpg
Data cyffredinol
Teitl Y Dydd Olaf Edit this on Wikidata
Awdur Owain Owain
Cyhoeddwr Gwasg Gomer
Gwlad Cymru
Iaith Cymraeg
Dyddiad cyhoeddi 1976 Edit this on Wikidata
ISBN 0715102897
Genre Nofel ffuglen wyddonol
Lleoliad cyhoeddi Abertawe Edit this on Wikidata
Dynodwyr
ISBN-10 0-7154-0289-7 Edit this on Wikidata
Erthygl am y nofel wyddonias yw hon; am albwm Gwenno Saunders gweler yma.

Nofel wyddonias neu ffug-wyddonol gan Owain Owain yw'r Dydd Olaf a gyhoeddwyd yn 1976 gan Wasg Gomer, Llandysul.

Dywedodd y beirniad llenyddol Pennar Davies am y nofel (gweler y broliant) Ni welwyd dim byd tebyg i'r llyfr hwn (Y Dydd Olaf) yn ein hiaith o'r blaen, na dim byd hollol debyg mewn unrhyw iaith. Llawenhewn fod y math yma o ddisgleirdeb yn bosibl yn y Gymraeg." [1] Mewn adolygiad o'r gyfrol yn 2014 dywedodd Miriam Elin Jones, 'I ddweud y gwir, mae rhagymadrodd Pennar Davies i’r nofel hon yn dweud y cwbl. Dyma nofel wreiddiol yn y Gymraeg, a nofel fydd yn eich syfrdanu... clasur Cymraeg, heb os.' [2]

Mewn cyfweliad gyda Gwenno Saunders a mab Owain, sef Robin Llwyd ab Owain dywedwyd i'r gwaith gael ei ysgrifennu yn 1967/8 ond na chyhoedwyd y gwaith tan i'r awdur ddanfon y proflenni at Pennar Davies, wedi methu cael y wasg i gytuno i'w gyhoeddi. Yn 1976, wedi naw mlynedd o drafodaethau, cyhoeddwyd y nofel.[3]

Plot[golygu | golygu cod y dudalen]

Murlun o Gwenno Saunders a'r Dydd Olaf; Stryd Womanby, Caerdydd; 2017.

Mae'r stori'n ymdrin a bachgen o'r enw Marc a phytiau o'i ddyddiaduron sy'n nodi gafael y 'Brawd Mawr' ar bobl y Ddaear, a llithra bob yn hyn a hyn i'w gafael gan ynganu'n eu hiaith ‘Fratolish Hiang Perpeski'; sy'n brawf o'r cyflyru y ceisia ddianc rhagddo - dianc oddi wrth y dyfodol dystopaidd. Ymgais sydd yma gan yr awdur i'n rhybuddio o'r dull tawel mae'r 'Ddelwedd Fawr' yn cyflyru ei dinasyddion, drwy eu moldio'n un corff totalitaraidd, unffurf, neu fel y dywed Owain dro ar ôl tro yn ei gerddi - y 'llwydni llwyd'.

Adwaith i'r gyfrol[golygu | golygu cod y dudalen]

Mewn cyfweliad yn Golwg ac ar wefan WelshNot yn 2014 dywedodd y gantores Gwenno Saunders, "Darllenais lyfr fantastig y llynedd - Y Dydd Olaf gan wyddonydd a drodd yn nofelydd, Owain Owain. Mae am bobl yn troi'n beiriannau rhywdro yn y dyfodol a chofnodir hynny mewn dyddiadur gan y prif gymeriad - yn Gymraeg lle bod y peiriannau'n deall.[4] Rhyddhawyd albwm ganddi hi o'r un enw (Y Dydd Olaf) ar label Peski records, am thema'r nofel.[5][6]

Cyfieithwyd y Dydd Olaf i'r Pwyleg a thorfolwyd cyfieithiad i'r Saesneg. Mae ar gael a ffurf elyfr nid-am-arian a ellir ei lawrlwytho o wefan Y Twll.[7]

Murlun Caerdydd

Cyfeiriadau[golygu | golygu cod y dudalen]

  1. The Wayback Machine
  2. [1] Enw'r wefan: GWYDDONIAS; Teitl: ‘TOP 10′ O LYFRAU FFUG-WYDD CYMRAEG GAN MIRIAM ELIN JONES; accessed 16-10-2014
  3. Radio Cymru; 'Sesiynau'r 'Steddfod'.
  4. Gwefan www.welshnot.com; I read a fantastic book last year called ‘Y Dydd Olaf’ (The Last Day) by a scientist turned novelist called Owain Owain. It’s about people being turned into machines sometime in the future and the main character writes a diary documenting it all in Welsh so the machines can’t understand it. I liked the idea of a language being able to protect you, and the blur of where a human being ends and a machine/computer begins.
  5. http://fiverosespress.net/; Taking its cue, and title, from Owain Owain’s 1976 novel about a dystopian future where the robots have taken over and are busily turning the human race into clones through the use of medication, Y DYDD OLAF blends big themes (including patriarchal society, government-funded media propaganda, cultural control, technology, isolation and the importance of, and threat to minority languages), great tunes, and a real sense of revolution to produce a powerful, politically-charged concept album.
  6. Gwefan Gwenno Saunders adalwyd 8 Medi 2014
  7. Gwefan Y Twll; Carl Morris; adalwyd 16 Gorffennaf 2017.

Dolenni allanol[golygu | golygu cod y dudalen]

Comin Wikimedia
Mae gan Gomin Wikimedia
gyfryngau sy'n berthnasol i: