Gwenno Saunders

Oddi ar Wicipedia
Jump to navigation Jump to search
Gwenno Saunders
Y Cefndir
Enw
(ar enedigaeth)
Gwenno Mererid Saunders
Ganwyd (1981-05-23) 23 Mai 1981 (37 oed)
Caerdydd
Math o Gerddoriaeth Electropop, pop indi
Gwaith Cerddor, cantores, dawnswraig
Cyfnod perfformio 2002–presennol
Label Peski Records, Heavenly Recordings
Perff'au eraill The Pipettes, The Boy Least Likely To, Pnau, Elton John
Gwefan http://www.gwenno.info/
Gwenno yn tafarn y Parrot, Caerfyrddin

Cantores a chwaraewr allweddellau Gymreig ydy Gwenno Mererid Saunders[1] (ganed 23 Mai 1981). Mae wedi teithio'r byd efo Pnau (Empire Of The Sun) ac Elton John. Cyn hynny bu'n aelod o fand pop The Pipettes. Mae hi'n siaradwraig Cymraeg rugl a hefyd yn siarad Cernyweg.[2] Caiff Gwenno ei hadnabod weithiau fel Gwenno Pipette. Cyhoeddodd albwm o'r enw'r Y Dydd Olaf yn Awst 2014, sydd wedi'i sylfaenu ar themâu ffug-wyddonol nofel o'r un enw a gyhoeddwyd yn 1976 gan Owain Owain.[3]

Bywgraffiad[golygu | golygu cod y dudalen]

Ganed Saunders yng Nghaerdydd,[4] yn ferch i'r ieithydd a bardd Cernyweg nodweddiadol, Tim Saunders,[5] a Lyn Mererid, sy'n aelod o'r côr sosialaidd Cymreig adnabyddus, Côr Cochion Caerdydd, ac yn gweithio fel cyfieithydd.

Bu Saunders yn mynychu Academi Dawns Wyddelig Seán Éireann-McMahon ers oedd hi'n bump oed,[6] roedd Gwenno hefyd yn aelod o gast gynhyrchiadau Michael Flatley, Lord Of The Dance[7] a Feet of Flames, tra roedd hi yn ei harddegau, a chwaraeodd y rhan arweiniol yng nghynyrchiad Las Vegas Lord Of The Dance. Yn 2001, cafodd ran yn y gyfres teledu Pobol y Cwm ar S4C, ac yn hwyrach cyflwynodd y rhaglen "Ydy Gwenno'n Gallu... ?".

Gyrfa gerddorol[golygu | golygu cod y dudalen]

Yn ystod y blynyddoedd cyn ymaelodi â'r Pipettes, bu Gwenno yn gantores bop unigol, yn canu y rhan fwyaf drwy gyfrwng y Gymraeg a Chernyweg, gan ryddhau dwy EP unigol, Môr Hud[8] a ryddhawyd yn 2002, a Vodya[9] yn 2004. Yn ddiweddarach, cynrychiolodd Saunders Gernyw yn y Gystadleuaeth Cân Eurovision Amgen yn 2003, ac enillodd Wobr Dewis y Bobl am ei pherfformiad o Vodya.

Ymaelododd Gwenno â'r Pipettes ym mis Ebrill 2005 wedi i'r aelod cychwynnol, Julia, adael. Mae hi'n nodweddiadol yn bennaf am ei llais arweiniol ar y sengl Pull Shapes a chytgan Your Kisses Are Wasted on Me. Fe gyhoeddoedd gwaith unigol ar ei gwefan MySpace. Rhyddhaodd albwm unigol fechain U & I ym mis Hydref 2007. Wedi ymadawiad Rosay a RiotBecki o'r Pipettes, ymunodd chwaef ieuengaf Saunders, Ani â'r band ym mis Ebrill 2008.

Yn Rhagfyr 2005 cyrhaeddodd ei albwm Y Dydd Olaf restr fer un o brig siartiau cerddoriaeth Prydain. Dyma'r tro cyntaf i albwm Cymraeg ei hiaith gyrraedd y safle hwn.

Disgyddiaeth[golygu | golygu cod y dudalen]

Albymau ac EPs[golygu | golygu cod y dudalen]

Fformat Teitl Blwyddyn
EP Vodya 2002
EP Ymbelydredd 2012
Albwm Y Dydd Olaf 2014
Albwm Le kov 2018

Cyfeiriadau[golygu | golygu cod y dudalen]

Dolenni allanol[golygu | golygu cod y dudalen]