Richard Llwyd

Oddi ar Wicipedia
Jump to navigation Jump to search
Richard Llwyd
Richard Llwyd.jpeg
Ffugenw The Bard of Snowdon Edit this on Wikidata
Ganwyd 1752 Edit this on Wikidata
Biwmares Edit this on Wikidata
Bu farw 29 Rhagfyr 1835 Edit this on Wikidata
Caer Edit this on Wikidata
Dinasyddiaeth Baner Cymru Cymru
Galwedigaeth achrestrydd, Bardd Edit this on Wikidata

Bardd a hynafiaethydd Cymreig oedd Richard Llwyd (175229 Rhagfyr 1835), a fu'n adnabyddus yn ei gyfnod fel "The Bard of Snowdon".

Ganed Llwyd ym Miwmares, Môn yn 1752. Dioddefodd dlodi yn ei ieuenctid oherwydd marwolaeth ei dad o'r frech wen a adawodd y teulu heb foddion byw. Dim ond naw mis o addysg ffurfiol a gafodd, yn Ysgol Rad Biwmares. Daeth yn asiant ystâd y teulu Griffith o Gaerhun, Dyffryn Conwy. Yn 1824 cafodd ei wneud yn aelod o Anrhydeddus Gymdeithas y Cymmrodorion. Bu farw yn 1835.

Daeth yn awdurdod ar herodraeth ac achau yng Nghymru diolch i'w ymchwil diflino ac enillodd barch yng nghylchoedd uchelwrol gogledd Cymru. Diolch i'w ddylanwad cafodd Dic Aberdaron a beirdd fel Dafydd Ddu Eryri gymorth ariannol o'r Gronfa Lenyddol Frenhinol.

Ysgrifennai sawl cerdd yn yr iaith Saesneg sy'n mynegi ei wladgarwch. Ei gerdd enwocaf efallai yw Beaumaris Bay (1800) a argraffwyd gyda llwyth o nodiadau am dopograffi a hanes y fro. Cyhoeddwyd casgliad o'i gerddi yn 1804 sy'n cynnwys cyfieithiadau o'r Gymraeg (neu'r "British language").

LLyfryddiaeth[golygu | golygu cod y dudalen]

  • Poems, Tales, Odes, Sonnets, Translations from the British (1804)
  • Poetical Works of Richard Llwyd, gol. Edward Parry (1837)

Ffynhonnell[golygu | golygu cod y dudalen]


Planned section.svg Eginyn erthygl sydd uchod am lenor neu awdur Cymreig. Gallwch helpu Wicipedia drwy ychwanegu ato.