Paul Panton

Oddi ar Wicipedia
Paul Panton
Ganwyd4 Mai 1727 (yn y Calendr IwliaiddEdit this on Wikidata
Bagillt Edit this on Wikidata
Bu farw24 Mai 1797 Edit this on Wikidata
DinasyddiaethBaner Cymru Cymru
Alma mater
Galwedigaethbargyfreithiwr, hynafiaethydd Edit this on Wikidata
PlantPaul Panton, Jones Panton Edit this on Wikidata

Noddwr llenyddiaeth Gymraeg a hynafiaethydd oedd Paul Panton (4 Mai 1727 - 24 Mai 1797). Cafodd ei eni ym Magillt, ger Treffynnon, Sir y Fflint, ond ymgartrefodd ym Mhlas Gwyn, Môn.

Hynafiaethydd a noddwr[golygu | golygu cod]

Roedd yn gyfaill i'r hynafiaethydd Thomas Pennant. Er yn ddi-Gymraeg ei hun, treuliodd ran helaeth ei fywyd yn ymchwilio i lenyddiaeth Gymraeg a chasglu llawysgrifau Cymreig. Roedd yn noddi'r bardd a hynafiaethydd Evan Evans (Ieuan Fardd) a chafodd ei lawysgrifau a'i nodiadau ar ei farwolaeth yn 1788. Cafodd yn ogystal gyfran fawr o bapurau a llawysgrifau Wynniaid Gwydir. Ef oedd noddwr y bardd Dafydd Ddu Eryri.

Enw ei fab hefyd oedd Paul Panton, ac ef a roddodd gymorth i Owain Myfyr a William Owen Pughe olygu'r Myvyrian Archaiology of Wales. Cyflwynir y gyfrol gyntaf iddo fel diolch am gael ymweld â'i lyfrgell.

Cedwir llawysgrifau Panton yn Llyfrgell Genedlaethol Cymru, Aberystwyth, er 1914.

Cyfeiriadau[golygu | golygu cod]


Baner CymruEicon person Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.