Sir y Fflint

Sir y Fflint
Arwyddair	GOROU TARIAN, CYFIAWNDER
Math	prif ardaloedd Cymru
Poblogaeth	155,593
Sefydlwyd	1 Ebrill 1996 ;
Gefeilldref/i	Menden (Sauerland), Murata
Daearyddiaeth
Gwlad	Cymru
Arwynebedd	437.4901 km²
Gerllaw	Bae Lerpwl, Aber Afon Dyfrdwy
Yn ffinio gyda	Gorllewin Swydd Gaer a Chaer, Sir Ddinbych, Bwrdeistref Fetropolitan Cilgwri, Bwrdeistref Sirol Wrecsam, Swydd Gaer
Cyfesurynnau	53.2175°N 3.1432°W
Cod SYG	W06000005
	GB-FLN
	Ffeiliau perthnasol ar Comin
	[golygwch ar Wicidata]

Un o'r 22 prif ardal Cymru yw Sir y Fflint (Saesneg: Flintshire), sy'n sir yng ngogledd-ddwyrain Cymru. Llywodraethir y sir gan yr awdurdod llywodraeth leol Cyngor Sir y Fflint. Crëwyd y sir bresennol pan ad-drefnwyd llywodraeth leol yng Nghymru yn 1996.

Daw'r enw "Sir y Fflint" o'r hen Sir y Fflint a sefydlwyd ym 1536 a barodd tan 1974 pan gafodd ei diddymu o dan Ddeddf Llywodraethu Lleol 1972. Cafodd ei hail-sefydlu ym 1996 o dan Ddeddf Llywodraethu Lleol (Cymru) 1994 ond nid yw'r ffiniau presennol yn dilyn yr un ffiniau ac mae'r sir bellach yn llai nag y bu.

Ymhlith siaradwyr Cymraeg yr ardal, tueddir i ollwng y fanod yn yr enw wrth gyfeirio at y sir - Sir Fflint. Mae tafodiaith unigryw iawn yn yr ardal sy' bellach dan fygythiad tafodieithoedd gorllewinol y Gymraeg. Mae rhai hen gyhoeddiadau yn cyfeirio at y sir fel Sir (neu Swydd) Gallestr.^[1]

Hanes

Roedd yr hen sir yn llawer mwy sylweddol, yn cynnwys rhannau o'r Sir Ddinbych bresennol ac alldir - darn o'r sir ar wahân - ar y ffin â Lloegr sy'n rhan o Fwrdeistref Sirol Caerffili heddiw.