Ongl

Oddi ar Wicipedia
Neidio i: llywio, chwilio

Mewn geometreg, y ffigur a ffurfir gan ddwy linell sy'n cwrdd ar fertig (cornel) yw ongl.[1] Mae'r ongl hefyd yn fesuriad o gylchdroad, y gymhareb o hyd arc i'w radiws. Mesurir onglau yn aml mewn graddau (°), ond y radian yw'r uned safonol. Ceir 360° mewn un troad cylch, a 2π radian mewn un troad cylch.[2] Gellir mesur onglau gydag onglydd. Defnyddir y llythyren Roeg theta (θ) fel symbol mathemategol am ongl.

Mathau[golygu]

Ongl lem (a), ongl aflem (b), a syth (c). Yn yr enghraifft hon, mae a and b yn onglau atodol.
Ongl sgwâr.
Ongl atblyg.
Ongl sgwâr

Ongl sydd rhwng dwy linell bependicwlar; chwarter troad cylch; hanner ongl syth.

Ongl lem

Ongl sy'n llai nag ongl sgwâr.

Ongl aflem

Ongl sy'n fwy nag ongl sgwâr ond yn llai nag ongl syth.

Ongl syth

Yr ongl sydd gan linell syth; hanner troad cylch; dwbl ongl sgwâr.

Ongl atblyg neu allblyg

Ongl sy'n fwy nag ongl syth ond yn llai nag un troad cylch.

Ongl lawn

Un troad cylch; dwy ongl syth; pedair ongl sgwâr.

Onglau cyflenwol

Dwy ongl sy'n ffurfio ongl sgwâr.

Onglau atodol

Dwy ongl sy'n ffurfio ongl syth.

Cyfeiriadau[golygu]

  1. Sidorov, L.A. (2001), "Angle", yn Hazewinkel, Michiel, Encyclopedia of Mathematics, Springer, ISBN 978-1-55608-010-4
  2. (Saesneg) Joyce, David E. (2006). Angle measurement. Prifysgol Clark. Adalwyd ar 31 Hydref 2012.
Comin Wikimedia
Mae gan Gomin Wikimedia gyfryngau sy'n berthnasol i: