Margaret Lindsay Williams

Margaret Lindsay Williams
Williams yn 1920 wrthi'n paentio llun olew o Arlywydd UDA, Warren G. Harding.
Ganwyd	18 Mehefin 1888  Caerdydd
Bu farw	4 Mehefin 1960  Llundain
Dinasyddiaeth	Teyrnas Unedig Prydain Fawr ac Iwerddon
Alma mater	Academi Frenhinol y Celfyddydau
Galwedigaeth	arlunydd
Adnabyddus am	Warren G. Harding (llun)
Arddull	portread

Arlunydd benywaidd o Gymru oedd Margaret Lindsay Williams (18 Mehefin 1888 – 4 Mehefin 1960).

Bywgraffiad

Ganwyd Margaret Lindsay Williams yng Nghaerdydd yn 1888 a symudodd i’r Barri yn fuan wedyn. Aeth i astudio yn yr Academi Frenhinol yn Llundain. Hi oedd y fyfyrwraig ieuengaf yno ar y pryd, a’r artist cyntaf o Gymru i ennill y fedal aur yno. Un o’i darnau pwysig cyntaf oedd y ‘Gwasanaeth Cenedlaethol Cymru yn Abaty San Steffan’, sydd bellach yn cael ei harddangos yn Llys y Goron Caerdydd.

O'r 1920 ymlaen canolbwyntiodd ar bortreadau a daeth yn nodedig am beintio lluniau o'r dosbarth uchaf o fewn cymdeithas.

Fe wnaeth hi arlunio’r Brenin Siôr V, y Frenhines Mari, ac ar bum achlysur gwahanol, y Frenhines Elizabeth II. Cafodd hi hefyd ei chomisiynu i arlunio portreadau plentyndod o’r Tywysog Charles, a’i chwaer y Dywysoges Anne.

Ar y cyd â’i gwaith brenhinol, fe wnaeth hi arlunio enwogion arall o’i chyfnod, gan gynnwys y Prif Weinidog David Lloyd George a’r cyfansoddwr Cymreig, Ivor Novello.

Yn rhyngwladol, fe baentiodd bortreadau o arlywydd yr UDA, Warren Harding, y dyn busnes Henry Ford, ac Alexandra o Ddenmarc.

Mae casgliad pwysig o luniau ganddi wedi cael eu canfod yn Tŷ Dyffryn, ym Mro Morgannwg. Cafodd un o'r luniau, "The Imprisoned Soul", ei baentio ym 1920.

Yn ystod ei hoes cafodd glod a chyhoeddusrwydd mawr, ond ers ei marwolaeth ychydig iawn o sôn a fu amdani.

Bywyd personol

Nid oedd Margaret yn briod. Bu farw yn ei chartref yn St John’s Wood yn Llundain yn 1960.

Fe'i claddwyd ym mynwent Merthyr Dyfan yn y Barri, ond nid oes cofnod penodol o’i hunion fan gorffwys olaf. Yn 2024 aeth Dr. Jonathan Hicks ati i lansio apêl er mwyn codi cofeb iddi. Cododd yr apêl dros £2,000 er mwyn comisiynu carreg bedd gan CJ Ball Memorial Masons yn y Barri. Datgelwyd y garreg fedd mewn seremoni arbennig ar ddydd Sadwrn, 18 Meheifin 2025, diwrnod ei phen-blwydd. Roeddd Maer y Barri yno, ynghyd â chwe aelod o deulu’r artist, a deithiodd o Ganada.

Rhai arlunwyr eraill o'r un cyfnod

Rhestr Wicidata:

Diweddarwch y rhestr nawr | WQS | Chwiliwch am ddelweddau

Erthygl	dyddiad geni	man geni	dyddiad marw	man marw	galwedigaeth	maes gwaith	tad	mam	priod	gwlad y ddinasyddiaeth
Caroline Bardua	1781-11-11	Ballenstedt	1864-06-02	Ballenstedt	arlunydd perchennog salon					Duchy of Anhalt
Fanny Charrin	1781	Lyon	1854-07-05	Paris	arlunydd					Ffrainc
Hannah Cohoon	1781-02-01	Williamstown	1864-01-07	Hancock	arlunydd arlunydd	paentio				Unol Daleithiau America
Lucile Messageot	1780-09-13	Lons-le-Saunier	1803-05-23		arlunydd bardd llenor				Jean-Pierre Franque	Ffrainc
Lulu von Thürheim	1788-03-14 1780-05-14	Tienen	1864-05-22	Döbling	llenor arlunydd		Joseph Wenzel Franz Thürheim
Margareta Helena Holmlund	1781		1821		arlunydd					Sweden
Maria Margaretha van Os	1780-11-01	Den Haag	1862-11-17	Den Haag	arlunydd drafftsmon	paentio	Jan van Os	Susanna de La Croix		Brenhiniaeth yr Iseldiroedd
Mariana De Ron	1782	Weimar	1840-10-06	Paris	arlunydd		Carl von Imhoff	Louise Francisca Sophia Imhof		Sweden

Diwedd y rhestr a gynhyrchwyd yn otomatig o Wicidata.

Gweler hefyd

• Arlunydd
• Rhestr celf a chrefft
• Rhestr o ferched yn y Bywgraffiadur Cymreig

Dolennau allanol

• Gwefan biography.com Archifwyd 2019-04-23 yn y Peiriant Wayback

Comin Wikimedia

Mae gan Gomin Wikimedia
gyfryngau sy'n berthnasol i:

Margaret Lindsay Williams