Henry Ford

Henry Ford
Ganwyd	30 Gorffennaf 1863  Springwells Township
Bu farw	7 Ebrill 1947  Dearborn, Michigan
Dinasyddiaeth	Unol Daleithiau America
Alma mater	Detroit Business Institute Bryant & Stratton College
Galwedigaeth	entrepreneur, peiriannydd, dyfeisiwr, ysgrifennwr, gwleidydd, gyrrwr ceir cyflym, newyddiadurwr, diwydiannwr, entrepreneur busnes
Swydd	sefydlydd mudiad neu sefydliad, CEO of Ford Motor Company
Mam	Mary Litogot O'Hern
Priod	Clara Bryant Ford
Plant	Edsel Bryant Ford
Llinach	Ford family tree
Gwobr/au	Gwobr Elliott Cresson, Order of the German Eagle, Gwobr 'Hall of Fame' am Hedfan, Oriel yr Anfarwolion Genedlaethol Dyfeiswyr, Holley Medal, Washington Award, James Watt International Medal, Urdd y Coron, Adlerschild des Deutschen Reiches
Chwaraeon
Llofnod

Diwydiannwr Americanaidd oedd Henry Ford (30 Gorffennaf 1863 – 7 Ebrill 1947). Ef oedd sylfaenydd cwmni moduron Ford Motor Company.

Ganed Ford yn Wayne County (Michigan). Cynhyrchodd ei fodur cyntaf yn 1892. Sefydlodd y Detroit Automobile Company, ond methodd y cwmni yn fuan; yna dechreuodd yr Henry Ford Company heb lawer o lwyddiant. Dim ond ar ei drydedd ymgais, gyda'r Ford Motor Company, y cafodd lwyddiant. Cynhyrchodd nifer o wahanol foduron, pob un yn cael ei ddynodi a llythyren, o'r Model A hyd y Model S; ond y Model T a ddaeth a llwyddiant mawr i'r cwmni. Am hwn y gwnaeth Ford ei sylw enwog y gallai'r cwsmer ei gael mewn unrhyw liw, cyn belled a'i fod yn ddu.

Yn ei ffatrioedd, mabwysiadodd ddull newydd o weithio, y "llinell adeiladu", a gwnaeth hyn gynhyrchu modurion mewn niferoedd mawr yn bosibl am y tro cyntaf. Golygai hyn fod y moduron yn llawer rhatach. Priododd Clara Bryant yn 1888, a chawsant un mab, Edsel Bryant Ford.

O 1919 ymlaen, cyhoeddodd y Dearborn Independent, oedd yn cynnwys deunydd dadleuol, peth ohono'n wrth-semitaidd. Ceir elfennau o hyn yn ei hunangofiant hefyd. Yn 1927, ymddiheurodd yn gyhoeddus am hyn a rhoddodd y gorau i gyhoeddi'r cylchgrawn.