Margaret Burke Sheridan

Oddi ar Wicipedia
Jump to navigation Jump to search
Margaret Burke Sheridan
Die Sopranistin Margaret Sheridan und der Dirigent Vincenzo Bellezza in London, 1938.jpg
Ganwyd15 Hydref 1889 Edit this on Wikidata
Castlebar Edit this on Wikidata
Bu farw16 Ebrill 1958 Edit this on Wikidata
Dulyn Edit this on Wikidata
DinasyddiaethBaner Gweriniaeth Iwerddon Gweriniaeth Iwerddon
Galwedigaethcanwr, canwr opera Edit this on Wikidata
Math o laissoprano Edit this on Wikidata

Roedd Margaret Burke Sheridan (15 Hydref 1889 - 16 Ebrill 1958) yn gantores opera Gwyddelig. Fe'i ganed yng Nghastellbar, Swydd Mayo, Iwerddon.[1] Roedd yn cael ei hadnabod fel Maggie o Mayo[2] ac fe'i hystyrir yn ail Prima donna Iwerddon, ar ôl Catherine Hayes (1818-1861).

Gyrfa[golygu | golygu cod y dudalen]

Derbyniodd Sheridan ei hyfforddiant lleisiol cynnar tra yn yr ysgol yn y Lleiandy Dominicaidd yn Eccles Street, Dulyn,[3] gyda gwersi ychwanegol gan Vincent O'Brien. Ym 1908, enillodd fedal aur yn y Feis Ceoil. Rhwng 1909 a 1911 astudiodd yn yr Academi Gerdd Frenhinol yn Llundain, ac yn ystod yr amser hwnnw fe’i cyflwynwyd i’r dyfeisiwr Eidalaidd Guglielmo Marconi, a fu’n allweddol wrth drefnu astudiaethau pellach iddi mewn opera yn Rhufain. Gyda chymorth Marconi, cafodd clyweliad ym 1916 gan Alfredo Martino, athrawes ganu amlwg ynghlwm wrth y Teatro Costanzi, a gwnaeth ei début yno ym mis Ionawr 1918 yn La bohème gan Puccini . [4] Ym mis Gorffennaf 1919 ymddangosodd yn y Tŷ Opera Brenhinol (Covent Garden) yn rôl teitl Iris gan Pietro Mascagni. Dychwelodd Sheridan i'r Eidal, lle parhaodd ei gyrfa i dyfu, gyda pherfformiadau yn y Teatro Dal Verme ym Milan ac yn y Teatro di San Carlo yn Napoli, yn bennaf yn rolau Puccini. Ym 1922 canodd gyntaf yn La Scala, Milan, yn La Wally gan Catalani o dan gyfarwyddyd Toscanini. Am yr ychydig flynyddoedd nesaf byddai hi'n canu yn La Scala gyda llwyddiant mawr. Efallai mai ei rôl fwyaf oedd fel Cio-cio-san yn Madama Butterfly, a ganodd yn helaeth yn yr Eidal ac yn Covent Garden. Pan glywodd hi yn canu ran Madama Butterfly, dywedir bod Puccini wedi ei syfrdanu.[5]

Blynyddoedd diweddar[golygu | golygu cod y dudalen]

Er gwaethaf ei llwyddiannau, roedd gyrfa Sheridan yn un fyr. Yn dioddef anawsterau lleisiol gwnaeth i ymddeol tua 1930 heblaw am ychydig o gyngherddau. Dywed Bríd Mahon, yn ei llyfr o 1998 While Green Grass Grows, tudalen 123: "Roedd si ar led bod Eidalwr yr oedd wedi ei wrthod wedi chwythu ei ymennydd allan mewn blwch yn La Scala, Milan, tra roedd hi ar y llwyfan ac ar ôl y drasiedi na chanodd hi yn gyhoeddus eto." Bu farw mewn ebargofiant cymharol, ar ôl byw yn Nulyn am nifer o flynyddoedd, a chladdwyd ei gweddillion ym Mynwent Glasnevin, Dulyn.[6]

Recordiadau[golygu | golygu cod y dudalen]

Gwnaeth Sheridan recordiad cyflawn o Madama Butterfly gyda cherddorfa La Scala yn ystod 1929-30 ar label gramoffon, recordiodd hi hefyd nifer o recordiadau o ddeuawdau operatig gyda’r tenor Aureliano Pertile, yn ogystal ag ariâu o operâu dethol gan Michael William Balfe, Arrigo Boito, Giacomo Puccini, Giuseppe Verdi a Richard Wagner. Recordiodd hefyd amryw o drefniadau o ganeuon traddodiadol Gwyddelig gan Balfe, John William Glover, Thomas Moore ac eraill.

Llyfryddiaeth[golygu | golygu cod y dudalen]

  • C. O'Brien, L. Lustig & A. Kelly: "Margaret Burke Sheridan", yn: Record Collector vol. 33 (1988), tt. 187–213.
  • Ann Chambers: La Sheridan, Adorable Diva. Margaret Burke Sheridan, Irish Prima-Donna, 1889–1958 (Dulyn: Gwasg Wolfhound, 1989),ISBN 0-86327-230-4 .


Cyfeiriadau[golygu | golygu cod y dudalen]

  1. "Margaret Burke Sheridan, Castlebar Co. Mayo West of Ireland | mayo-ireland". www.mayo-ireland.ie (yn Saesneg). Cyrchwyd 2021-04-23.
  2. "Margaret Burke "Maggie" Sheridan (1889-1958) -..." www.findagrave.com (yn Saesneg). Cyrchwyd 2021-04-23.
  3. Traynor, Jessica. "The Mayo woman who became Italy's favourite operatic diva". The Irish Times (yn Saesneg). Cyrchwyd 2021-04-23.
  4. Axel Klein: "Sheridan, Margaret Burke", yn: The Encyclopaedia of Music in Ireland, ed. Harry White and Barra Boydell (Dublin: UCD Press, 2013), pp. 931-2; ISBN 978-1-906359-78-2.
  5. "Maggie knew how to sing a story". independent (yn Saesneg). Cyrchwyd 2021-04-23.
  6. "Castlebar - County Mayo - Margaret Burke Sheridan: Un Bel Di". www.castlebar.ie. Cyrchwyd 2021-04-23.

{{DEFAULTSORT:Sheridan, Margaret Burke}} {{Rheoli awdurdod}} [[Categori:Genedigaethau 1889]] [[Categori:Marwolaethau 1958]] [[Categori:Cantorion opera]] [[Categori:Cantorion Gwyddelig]]