Etholiad cyffredinol y Deyrnas Unedig, 1959

Etholiad cyffredinol y Deyrnas Unedig, 1959

Enghraifft o:	Etholiad cyffredinol y Deyrnas Unedig
Dyddiad	8 Hydref 1959
Rhagflaenwyd gan	Etholiad cyffredinol y Deyrnas Unedig, 1955
Olynwyd gan	Etholiad cyffredinol y Deyrnas Unedig, 1964
Dynodwyr
Freebase	/M/025vjl
Ffeiliau perthnasol ar Gomin Wicimedia

Cynhaliwyd Etholiad Cyffredinol y Deyrnas Unedig, 1959 ar 8 Hydref 1959. Enillwyd yr etholiad gan y Ceidwadwyr gyda Harold Macmillan yn parhau i fod yn Brif Weinidog. Slogan gofiadwy a ddefnyddiwyd ganddo yn ystod yr ymgyrchu oedd "you have never had it so good". Ar ôl yr etholiad roedd gan y Ceidwadwyr 365 aelod seneddol, y Blaid Lafur 258 a'r Rhyddfrydwyr 6 yn unig. Enillodd Macmillan er gwaethaf yr adwaith yn erbyn argyfwng Suez (1956) a phroblemau economaidd yn y DU. Yn ogystal roedd ei blaid wedi cynyddu ei mwyafrif am y trydydd dro yn olynol, camp unigryw yn hanes gwleidyddiaeth Prydain.

Yng Nghymru

Ymladdwyd ugain sedd gan Blaid Cymru yn yr etholiad hwn a chael pedair mil pleidlais y sedd ar gyfartaledd, cyfanswm o 78,000 (10.3% o'r cyfanswm) ar draws Cymru.

Penfro

Yn yr etholiad hwn y safodd Waldo Williams dros Blaid Cymru yn etholaeth Penfro, y tro cyntaf i Blaid Cymru ymladd y sedd honno. Desmond Donnelly oedd yr A.S. ers 1951 ac ef enillodd yn yr etholiad hwn.

Meirionnydd

Roedd y cenedlaetholwyr yn disgwyl i Gwynfor Evans ennill sedd Meirionnydd i Blaid Cymru ond mawr fu ei siom a dyma'r tro olaf i Gwynfor Evans ymladd y sedd. Safodd yn etholaeth Caerfyrddin yn yr etholiadau i ddilyn. Cadwodd T. W. Jones y sedd i Lafur. Daeth y Rhyddfrydwyr yn ail yn agos iawn i Lafur. Trydydd oedd Gwynfor Evans.

Etholiad cyffredinol y Deyrnas Unedig, 1959
Plaid	Seddi	Etholiadau	%
Plaid Geidwadol	365	13,750,875	49.9
Plaid Lafur	258	12,216,172	43.8
Plaid Ryddfrydol	6	1,640,760	5.9
Plaid Cymru	0	77,571	0.3
Sinn Féin	0	30,896	0.2
Plaid Comiwnyddiaeth Prydain Fawr	0	30,896	0.1
Plaid Genedlaethol yr Alban	0	21,738	0.1
Llafur Annibynnol Gogledd Iwerddon	0	20,062	0.1
Ceidwadol Annibynnol	1	14,118	0.1