Englyn milwr

Oddi ar Wicipedia
Y pedwar mesur ar hugain
Sion Cent
Y pedwar mesur ar hugain yw'r gyfundrefn o fesurau caeth a ddaeth yn ganon awdurdodol ym marddoniaeth Gymraeg yr Oesoedd Canol Diweddar, sef cyfnod Beirdd yr Uchelwyr.
Y blwch hwn: gweld  sgwrs  golygu

Mesur caeth yw'r englyn milwr. Tair llinell saith sillaf, gyda phob llinell yn odli gyda'i gilydd.

Gall y llinellau ddiweddu'n acennog neu'n diacen.

Ceir defnydd helaeth o'r englyn milwr yn "Ymadawiad Arthur" gan T Gwynn Jones; dyma enghraifft:

Llwybr i dranc y lle bo'r drin,
Diau, ni ddawr angau rin
Na breiniau glew na brenin.

Nid oes gair cyrch o gwbwl mewn englyn milwr.

Ni chynhwyswyd y mesur gan Ddafydd ab Edmwnd yn ei Bedwar Mesur ar Hugain ym 1451, ond y mae'n fesur cydnabyddedig a phoblogaidd iawn heddiw.[1]

Fel yr englyn penfyr, tueddir i weld cyfresi o englynion milwr mewn awdlau yn hytrach nag englyn milwr unigol, ond gall y mesur sefyll ar ei ben ei hun yn ogystal. Gofynnir am gyfres o englynion milwr fel cystadleuaeth yn yr Eisteddfod Genedlaethol yn achlysurol.

Cyfeiriadau[golygu | golygu cod]

  1. "Pôl piniwn cynghanedd.com". Archifwyd o'r gwreiddiol ar 2016-03-05. Cyrchwyd 2010-07-16.
Eginyn erthygl sydd uchod am lenyddiaeth. Gallwch helpu Wicipedia drwy ychwanegu ato.