Chhattisgarh
.svg)
Chhattisgarh (Chhattisgarhi/Hindi: छत्तीसगढ़), yw talaith ddiweddaraf India. Fe'i lleolir yng nghanolbarth y wlad a chafodd ei ffurfio pan enillodd 16 ardal Chhattisgarhi eu hiaith de-ddwyrain Madhya Pradesh statws talaith ar 1 Tachwedd, 2000. Raipur yw'r brifddinas. Chhattisgarh yw'r dalaith ddegfed mwyaf India o ran ei maint. Daw'r enw Chhattisgarh o'r 36 o dywysogaethau hynafol yn yr ardal (Chattis, '36' yn Hindi, a garh 'caer').
Mae'r dalaith yn ffinio â Madhya Pradesh i'r gogledd-orllewin, Maharashtra i'r gorllewin, Andhra Pradesh i'r de, Orissa i'r dwyrain, Jharkhand i'r gogledd-ddwyrain ac Uttar Pradesh i'r gogledd.
Chhattisgarhi, iaith Indo-Araidd yw prif iaith yr ardal, ond Hindi, sy'n agos iawn i Chhattisgarhi, yw iaith swyddogol y dalaith. Yn y bryniau mae'r pobloedd Gond yn byw, sy'n siarad ieithoedd Dravidaidd.
