Llew Smith

Oddi ar Wicipedia
Neidio i: llywio, chwilio

Gwleidydd Cymreig sy'n aelod o'r Blaid Lafur yw Llewellyn Thomas Smith, sy'n fwy adnabyddus fel Llew Smith (ganed 16 Ebrill 1944). Roedd yn aelod seneddol Blaenau Gwent yn ne-ddwyrain Cymru. Mae'n aelod o'r Grŵp Ymgyrchu Sosialaidd (Socialist Campaign Group).

Safbwynt am Gymru a'r Gymraeg[golygu]

Daeth yn AS Blaenau Gwent yn 1992, a bu'n ASE yn Senedd Ewrop cyn hynny. Roedd yn un o'r ASau Llafur Cymreig, fel Neil Kinnock, a wrthwynebodd sefydlu Cynulliad Cenedlaethol Cymru ac a ymgyrchodd yn ei erbyn adeg y Refferendwm, er nad oedd yn un o'r "Gang o Chwech" ei hun. Yn ogystal mae wedi bod yn feirniadol o bolisïau i hybu'r iaith Gymraeg. Sefyllodd i lawr fel AS yn etholiad cyffredinol 2005.

Mewn ymateb i sylwadau gan Gwilym ab Owain yng Ngheredigion a Seimon Glyn yng Ngwynedd ynglŷn â phroblem y mewnlifiad i'r bröydd Cymraeg a'r angen am gael tai i bobl leol, honodd Llew Smith fod Plaid Cymru "yn fudiad hiliol".[1]

Ym Mehefin 2003, wrth roi dystiolaeth i'r Comisiwn Richard, a sefydlwyd i ystyried rhoi pwerau ychwanegol i'r Cynulliad Cenedlaethol, dywedodd mai "rheitiach fyddai ystyried rhoi rhai o bwerau'r cynulliad yn ôl i gynhgorau lleol neu senedd San Steffan yn hytrach na sôn am eu ehangu." [2]

Cyfeiriadau[golygu]

  1. [1] erthygl ar safle'r BBC.
  2. [2] Tystiolaeth Llew Smith i'r Comisiwn Richard, Mehefin, 2003.
Senedd Ewrop
Rhagflaenydd:
A.R. Rogers
Aelod Senedd Ewrop dros Ddwyrain-Dde Cymru
19841994
Olynydd:
dilewyd yr etholaeth
(gweler Dwyrain De Cymru)
Senedd y Deyrnas Unedig
Rhagflaenydd:
Michael Foot
Aelod Seneddol dros Flaenau Gwent
19922005
Olynydd:
Peter Law