Peter Law

Oddi ar Wicipedia
Neidio i: llywio, chwilio
Peter Law

Cyfnod yn y swydd
6 Mai 1999 – 2006

Cyfnod yn y swydd
2005 – 2006

Geni 1 Ebrill 1948(1948-04-01)
Y Fenni, Sir Fynwy
Marw 25 Ebrill 2006 (58 oed)
Nant-y-glo, Blaenau Gwent
Plaid wleidyddol Annibynnol
Tadogaethau
gwleidyddol
eraill
Y Blaid Lafur (DU) (hyd 2005)
Priod Trish Law

Gwleidydd Cymreig oedd Peter John Law (1 Ebrill 194825 Ebrill 2006). Roedd yn Aelod Cynulliad dros Flaenau Gwent o 1999 ymlaen ac fe arhosodd yn aelod yno pan etholwyd ef yn Etholiad cyffredinol y Deyrnas Unedig, 2005 i San Steffan fel Aelod Seneddol dros yr un etholaeth. Yr oedd yn aelod o'r Blaid Lafur am y rhan fwyaf o'i oes ond yn y blynyddoedd olaf roedd perthynas chwerw rhyngddo â'r Blaid Lafur. Bu'n aelod o Fwrdd yr Iaith Gymraeg ac yr oedd wedi dysgu Cymraeg. Bu hefyd yn gadeirydd Ymddiriedolaeth Iechyd Gwent.

Gyrfa[golygu]

Dechreuodd ei yrfa wleidyddol fel cynghorydd a daeth i amlygrwydd yn dilyn etholiadau Cynulliad Cenedlaethol Cymru yn 1999 pan benodwyd ef gan Alun Michael yn ysgrifennydd llywodraeth leol a'r amgylchedd. Collodd ei swydd yn y cabinet pan ddaeth Rhodri Morgan yn brifweinidog a ffurfio clymblaid gyda'r Democratiaid Rhyddfrydol. Roedd Peter Law yn feirniadol iawn o'r glymblaid honno.

Yn 2005 penderfynnodd y Blaid Lafur ddewis ymgeisydd seneddol i Blaenau Gwent o restr menywod-yn-unig. Cythruddwyd Peter Law gan hyn nes iddo benderfynnu sefyll fel ymgeisydd annibynnol yn yr Etholiad Cyffredinol. Yn anorfod cafodd ei ddiarddel o'r Blaid Lafur ac o ganlyniad i hynny collodd llywodraeth Rhodri Morgan ei fwyafrif o un, gan fod Peter Law yn cynrychioli etholaeth Blaenau Gwent yn y Cynulliad. Trodd Peter Law fwyafrif Llafur o 19,000 i fwyafrif o 9,000 iddo ef.

Cyfeiriadau[golygu]

Cynulliad Cenedlaethol Cymru
Rhagflaenydd:
swydd newydd
Aelod Cynulliad dros Flaenau Gwent
19992006
Olynydd:
Trish Law
Senedd y Deyrnas Unedig
Rhagflaenydd:
Llew Smith
Aelod Seneddol dros Flaenau Gwent
20052006
Olynydd:
Dai Davies