Pate

Oddi ar Wicipedia
Neidio i'r panel llywio Neidio i'r bar chwilio
Pates p1150435.jpg
Plât o wahanol bates, gyda garnais.
Data cyffredinol
Mathspread, saig Edit this on Wikidata
DeunyddBriwgig, liver Edit this on Wikidata
Yn cynnwysBriwgig, liver Edit this on Wikidata
Tudalen Comin Ffeiliau perthnasol ar Gomin Wicimedia

Past a wneir o gig neu bysgod wedi ei falu'n fân, yn aml gyda chynhwysion eraill, yw pate[1] (Ffrangeg: pâté) sydd yn tarddu o goginiaeth Ffrainc. Gwahaniaethir rhwng pâté en terrine, sef gymysgedd wedi ei amlapio mewn braster, megis siwed, a'i goginio mewn llestr hir a dwfn er mwyn ei weini'n oer ar ffurf torth y gellir ei sleisio; a pâté en croûte, a ddodir mewn crwst er mwyn ei weini naill ai yn oer neu'n boeth, yn debyg i bei neu bastai. Yng Ngwledydd Prydain, mae pate fel arfer yn cyfeirio at pâté en terrine.[2]

Gellir cymysgu'r past o gig mâl—cig moch, dofednod, cwningen, cig eidion, neu bysgod—â llysiau, perlysiau, sbeisys, a gwin neu frandi. Gweinir yn aml fel cwrs cyntaf, gyda bara.

Yn Ffrainc, ceir sawl math rhanbarthol ac achlysurol o bate, er enghraifft Pâté de Pâques a fwyteir adeg y Pasg, a pâté de foie gras a wneir o afu gŵydd neu hwyaden.

Gweler hefyd[golygu | golygu cod y dudalen]

Cyfeiriadau[golygu | golygu cod y dudalen]

  1.  pate. Geiriadur Prifysgol Cymru. Adalwyd ar 18 Tachwedd 2022.
  2. (Saesneg) Pâté. Encyclopædia Britannica. Adalwyd ar 18 Tachwedd 2022.