Neidio i'r cynnwys

Madog (panto)

Ychwanegu dolenni
Oddi ar Wicipedia
Madog
Dyddiad cynharaf1976
AwdurWilbert Lloyd Roberts
GwladBaner Cymru Cymru
IaithCymraeg
Dyddiad cyhoeddiheb ei chyhoeddi
Cysylltir gydaCwmni Theatr Cymru
MathPantomeim
CyfansoddwrCefin Roberts
Dynodwyr

Pantomeim Cymraeg yn seiliedig ar hanes chwedlonol y tywysog Madog ap Owain Gwynedd yw Madog. Crëwyd a llwyfannwyd y panto gan Gwmni Theatr Cymru ym 1976, ar gyfer ei pherfformio dros y Gaeaf 1976 a Gwanwyn 1977. Roedd rhai o sêr y cyfnod yn serenu yn y sioe fel Gari Williams a'r digrifwr Ronnie Williams, un hanner o'r ddeuawd boblogaidd Ryan a Ronnie. Ronnie oedd yng ngofal y sgript a'r cyfarwyddo.[1][2]

Disgrifiad byr

[golygu | golygu cod]

Hanes y tywysog Madog yn hwylio ar draws yr Iwerydd i ddarganfod America yn 1170.

Cast y panto Madog 1976

Cefndir

[golygu | golygu cod]
Bryn Williams fel Madog a Valmai Jones fel ei wraig
Iona Banks fel y wrach ddrwg yn Madog
Dilwyn Roberts a'r Band o'r Panto Madog

Un sy'n hel atgofion am y panto yw aelod o'r band, Dilwyn Roberts : "Ar Dachwedd 23ain, 1976, teithiom i Fangor i ddechrau ymarferion. Teitl y panto oedd "Madoc" [Madog] a seiliwyd y stori ar y chwedl fod y Tywysog Madoc ap Owain Gwynedd wedi hwylio ar draws yr Iwerydd a darganfod America yn 1170. Bryn Williams oedd y prif gymeriad, Madoc, roedd Bryn yn hen ffrind i Ronnie o, Ryan and Ronnie, ar BBC Cymru.

Polisi Wilbert Lloyd Roberts, Cyfarwyddwr y Cwmni, oedd cyflogi criw o actorion oedd newydd raddio o Goleg Cerdd a Drama Cymru i ysgrifennu a pherfformio dramâu anturus ac i gymryd rhan yng nghynyrchiadau prif ffrwd y cwmni. I Elwyn a minnau, aelodau’r band, roedd hi’n amser i ni gwrdd â’r Cyfarwyddwr Cerdd, Cenfyn Evans. Yn ogystal â chwarae'r piano, roedd Cenfyn hefyd yn chwarae'r Trwmped. Felly yr offeryn hwnnw oedd yn mynd i fod yn brif offeryn y band."[1]

"Aeth yr ymarferion yn dda a chan fod y cast i gyd yn gantorion profiadol, roedd y cynnwys cerddorol yn amrywio o ganeuon traddodiadol Cymreig a chaneuon gwreiddiol gan Cefin Roberts. Traddodiad panto arall yw cyfranogiad y gynulleidfa. Mwynhaodd Emyr [Gari Williams] yn arbennig y gwaith byrfyfyr a fyddai'n anochel o ganlyniad i weithio gyda phlant. [...] Wedi pythefnos o berfformiadau yn Theatr Gwynedd, daeth yn amser i ni gychwyn ar daith Cymru."[3]

Cymeriadau

[golygu | golygu cod]
  • Tywysog Madoc ap Owain Gwynedd
  • Harriet ei wraig
  • Gwrach Ddrwg
  • Doctor Wyn Wyn - Doctor y llong
  • Gari - Americanwr brodorol
  • Capten y llong
  • Ffani - y gogyddes
  • Rhys - Cariadon
  • Heledd - Cariadon
  • Lisa y forwyn

Cynyrchiadau nodedig

[golygu | golygu cod]
Llun o'r panto Madog 1976 Cwmni Theatr Gymru (Archifau Gwynedd)

Llwyfannwyd y panto am y tro cyntaf gan Gwmni Theatr Cymru ym 1974. Cyfarwyddwr Ronnie Williams; Cynllunydd Martin Morley; cyfarwyddwr cerdd Cenfyn Evans; offerynwyr Dilwyn Roberts, Elwyn Williams a Paul Westwell; goleuo Huw Roberts; sain Rolant Jones; cast:

Ymysg y band roedd Dilwyn Roberts a brawd Gari Williams, Elwyn Williams (ail hanner o'r ddeuawd boblogaidd Emyr ac Elwyn).

"...cafodd y straen o berfformio wyth sioe yr wythnos effaith ar iechyd Emyr [Gari Williams]. [...] Wedi 66 perfformiad dros 9 wythnos, roedd Emyr wedi blino ac yn barod am seibiant. Ond, gan ein bod ni bellach yn berfformwyr llawn amser, roedd yn rhaid i ni wneud yn siŵr ein bod yn ennill digon bob wythnos."[3]

Cyfeiriadau

[golygu | golygu cod]
  1. ↑ 1.0 1.1 "Hanes Emyr ac Elwyn Pen 01 (1969 - 1976)". Hanes Emyr ac Elwyn Pen 01 (1969 - 1976) (yn Saesneg). Cyrchwyd 2024-09-12.
  2. ↑ Rhaglen y panto Madog. Cwmni Theatr Cymru. 1976.
  3. ↑ 3.0 3.1 "Hanes Emyr ac Elwyn Pen 02 (1976- 1979)". Hanes Emyr ac Elwyn Pen 02 (1976- 1979) (yn Saesneg). Cyrchwyd 2024-09-12.
Wedi dod o "https://cy.wikipedia.org/w/index.php?title=Madog_(panto)&oldid=14121775"